StaY WitH Me
2009-01-27, 06:14 AM
هلاو
شلونكم
طبعا هاي قصه
لفد مريه اني اعرفها
هي فقيرة عندها 4 جهال
3 بنات و ولد واحد
هي عايشة بفد منطقه كلش بعيده يعني بجنوب بغداد هيج شي
يعني تقريبا ساعتين عن الاعظميه
و بيتها عباره عن اربع حيطان و باب و و السقف عباره عن كيس نايلون كبير (تخيلو شلون عايشين)
المهم اخليكم ويا القصه
مرة ازوجت من واحد فقير شلل نصفي عنده و ايده مقطوعه و مات
و جابت من عنده 4 جهال بنيه , ولد , بنيه , بنيه
المهم
اندك فد يوم باب بيتنه
اني طلعت كلت منو كالتلي اني ام علي دا اسئل على جيرانكم
فتحتلها الباب و صحت امي طلعتلها فسئلتها على جوارينه القديمين
فكالتلها انقلو فأمي انقهرت عليها لانه جان وكتها حارة و المره ما عندها مي
فدخلناها للبيت شربناها مي و خليناها ترتاح فكعدت حجلتنه قصتها
تكول فد يوم كاعده اقرى قرأن و بتها جانت مريضه كلش الصغيرة تكول بنتي بفراش الموت و اني ما عندي فلس اروح اوديها للدكتور لو لمستشفى المهم اجتي لبيت جيرانه الكبال بيتنه تكول طلبت فلوس منهم مقبلو يطوني و همه يعرفون هيه فقيرة المهم رجعت المره للبيت و بتها المسكينه دتموت تكول رحت اخذتها للمستشفى بلكت احد يشفق عليه
المهم اخذتها و راحت شافها الدكتور كلها هاي تره
باقيلها ساعتين او 3 و تموت و لازم تحضريلها لحد (هذا الخشب اليحطون بيه الميت)و الكفن
و هي المره ما عندها فلس اتوكل جهالها المهم كعدت بنتها بباب المستشفى و كلتلها اني اروح اشوف احد يطيني فلوس هيه دتروح سمعوها 2 ولد راحو عليها كلولها احنه نتكفل كلشي من مصاريف بنتج المره فرحت راحت على بنتها جان اتشوفها ميته (اتخيلو الموقف)
المهم كفنوها و دفنوها و خلصت القصه و راحت المرة
اجتي بيوم ثاني
(نجي على الابن هو ديدرس اخر سنه مدرسه بعده شاب و كلللش حلو (اني شايفته هع )
اجتي تكول ما عندكم احد يريد عامل اي شي اريد ابني يشتغل علمود شويه يساعدنه
ماما كلتلها اكدر ادبرلج فلوس ابنج يشتريله عربانه اي شي علمود يمشي امر بيها
(اجه يوم و دبرلانه فلوس و راح اشترة عربانه يحمل بيها اشياء للمحلات)
المهم اشتراها و ضل يشتغل بيها 4 اشهر تقريبا و احنى على طول كل يوم هيه تجي ننطيها اكل و فلوس و هدوم يعني تقريبا احنه جهزنالهم غراض (طباخ و صوبه و بطانيات و مخدات )هيج اشياء (جانت تطبخ علفحم و تخيلو اكلها جان رقبه دجاج بس تسويه و ويا الخبز وياكلون )
اجه يوم جتي ام علي
كالت الحكولي علي انكسرت ايده و رجله كنالها شلووووون
كالت ازحلك و انكسرو و دبرنالها همينه فلوس الدكاتره
و صار كلشي
مرت شهرين
جان تجي امي علي علينه تبجي
كنالها ام علي شكووووووووووو
كالت الحكولي مات علي (جلدي كزبر و دموعي غرغرت لانه مجنتو تشوفون شكلها من جتي)
كنالها شنووووووووو
كالت علي مااااااااااااات راح مني علي
كنالها زين شلون
كالت اجوي الامريكان اخذوه من البيت بباب البيت كتلوه (كدام عيونها)
و اتخيلو انتو الباقي و هسه محد صفالها غير بناتها ال2
شوفو العراقي شكد يتحمل مأسي
لا حول ولا قوه الا بالله
يا رب تعجبكم القصة
و طبعا اكو احداث كومه بيها بس مدا اذكر منها شي غير هذا
شلونكم
طبعا هاي قصه
لفد مريه اني اعرفها
هي فقيرة عندها 4 جهال
3 بنات و ولد واحد
هي عايشة بفد منطقه كلش بعيده يعني بجنوب بغداد هيج شي
يعني تقريبا ساعتين عن الاعظميه
و بيتها عباره عن اربع حيطان و باب و و السقف عباره عن كيس نايلون كبير (تخيلو شلون عايشين)
المهم اخليكم ويا القصه
مرة ازوجت من واحد فقير شلل نصفي عنده و ايده مقطوعه و مات
و جابت من عنده 4 جهال بنيه , ولد , بنيه , بنيه
المهم
اندك فد يوم باب بيتنه
اني طلعت كلت منو كالتلي اني ام علي دا اسئل على جيرانكم
فتحتلها الباب و صحت امي طلعتلها فسئلتها على جوارينه القديمين
فكالتلها انقلو فأمي انقهرت عليها لانه جان وكتها حارة و المره ما عندها مي
فدخلناها للبيت شربناها مي و خليناها ترتاح فكعدت حجلتنه قصتها
تكول فد يوم كاعده اقرى قرأن و بتها جانت مريضه كلش الصغيرة تكول بنتي بفراش الموت و اني ما عندي فلس اروح اوديها للدكتور لو لمستشفى المهم اجتي لبيت جيرانه الكبال بيتنه تكول طلبت فلوس منهم مقبلو يطوني و همه يعرفون هيه فقيرة المهم رجعت المره للبيت و بتها المسكينه دتموت تكول رحت اخذتها للمستشفى بلكت احد يشفق عليه
المهم اخذتها و راحت شافها الدكتور كلها هاي تره
باقيلها ساعتين او 3 و تموت و لازم تحضريلها لحد (هذا الخشب اليحطون بيه الميت)و الكفن
و هي المره ما عندها فلس اتوكل جهالها المهم كعدت بنتها بباب المستشفى و كلتلها اني اروح اشوف احد يطيني فلوس هيه دتروح سمعوها 2 ولد راحو عليها كلولها احنه نتكفل كلشي من مصاريف بنتج المره فرحت راحت على بنتها جان اتشوفها ميته (اتخيلو الموقف)
المهم كفنوها و دفنوها و خلصت القصه و راحت المرة
اجتي بيوم ثاني
(نجي على الابن هو ديدرس اخر سنه مدرسه بعده شاب و كلللش حلو (اني شايفته هع )
اجتي تكول ما عندكم احد يريد عامل اي شي اريد ابني يشتغل علمود شويه يساعدنه
ماما كلتلها اكدر ادبرلج فلوس ابنج يشتريله عربانه اي شي علمود يمشي امر بيها
(اجه يوم و دبرلانه فلوس و راح اشترة عربانه يحمل بيها اشياء للمحلات)
المهم اشتراها و ضل يشتغل بيها 4 اشهر تقريبا و احنى على طول كل يوم هيه تجي ننطيها اكل و فلوس و هدوم يعني تقريبا احنه جهزنالهم غراض (طباخ و صوبه و بطانيات و مخدات )هيج اشياء (جانت تطبخ علفحم و تخيلو اكلها جان رقبه دجاج بس تسويه و ويا الخبز وياكلون )
اجه يوم جتي ام علي
كالت الحكولي علي انكسرت ايده و رجله كنالها شلووووون
كالت ازحلك و انكسرو و دبرنالها همينه فلوس الدكاتره
و صار كلشي
مرت شهرين
جان تجي امي علي علينه تبجي
كنالها ام علي شكووووووووووو
كالت الحكولي مات علي (جلدي كزبر و دموعي غرغرت لانه مجنتو تشوفون شكلها من جتي)
كنالها شنووووووووو
كالت علي مااااااااااااات راح مني علي
كنالها زين شلون
كالت اجوي الامريكان اخذوه من البيت بباب البيت كتلوه (كدام عيونها)
و اتخيلو انتو الباقي و هسه محد صفالها غير بناتها ال2
شوفو العراقي شكد يتحمل مأسي
لا حول ولا قوه الا بالله
يا رب تعجبكم القصة
و طبعا اكو احداث كومه بيها بس مدا اذكر منها شي غير هذا