هــ،،ـذياأاأن

[L•َِOَِ•Y•َِUَِ•S]

احبج
احبج بكد ما ارتعش كلبي من يمر طاريج
و احبج
بكد ما افز بتوالي اليل واتخيل احاجيج
محتاج اغمض وبنص حظني اللكيج
وتنزل دموعي وتمسحيها بديج
احبج
احبج ولو عطشانه دم كلبي يرويج
يا عشك ساكن وسط هالروح وبكلبي اخليج
شلون اوصفج .. شلون ؟؟
شلون اوصفج حرت .. يالتيهت نوع العطر بيج
اغلى الناس كلهه انتي وبروحي اشتريج
الله شكد احبج وشكد كلبي باجي عليج
يا ورده بنص كلبي وبنبضاته تزكيج
شحجي !! شحجي !!
الله واكبر هم مثلي بشر حب وهم مثلي هايم بيج
يا اغلى من دمع العين من يهلي يجويج
احيج
الف مو مره ولا مرتين يالكلي انهدم من احجي طاريج
احبج


===================

ادريك تغدر
ومجبور احبك

ومنتظر موعد هالغدر منك
حته اموت بصدمتي
ويروح همك
تصنع جرح .. ما تجبر
هم احبك
وما تكدر تجر روحي منك
انه اريد موتي يتجسد وسط حضنك
ادريك تغدر وهذه همي
وماكو همك وانه دمي يسيل وي مجرات دمك
تريد تطعني ؟؟!!
وك تريد تطعني واني كلبك
وانه ودك هيجي كلي شلون ؟؟
حته اتبره منك
وك هم شايف حبيب
يموت من يلتمس خدك
لو سامع حستري بتوالي الليل
من تريد اغفه يمك
لو شايف طفل
لو شايف طفل مخنوك
اجه بصدرك وبده يشمك
وبعينه دمع ما ينزل
محبوس جوه الجسد ويباع وجهك
وانه احبك
وانته جرحي وانه فرحك
وانه ابجي ....... وانته تضحك
بسيوفك تحس كلبي
وما احذرك لا انصحك وتموتني
موتني حته ارتاح ويطيب جرحك
اني ميت
اني ميت وانته تدري
وشنو ضرب الميت يريحك ؟؟

ادريك تغدر
وك هذه حضي وهذه حضك
تكتب احبك حيل
بس كذاب حبرك
وانه احبك ومنتبه خايف اخسرك
وانع عمري يروح حته يدوم عمرك
انته دربك غير دربي
وهذه قصدك هذه حلمك
وانه حلمي الموت من صدري يضمك
هذه كلشي وزال همك
و زاد همي
وانه احبك انه احبك
ولو اموت صدك اكتبهه بدمي
هذه كلشي وزاد همي
وانه احبك احبك احبك
والله احبك
ولو اموت والله اكتبهه بدمي


يتبع ...

[L•َِOَِ•Y•َِUَِ•S]

مبروك
مبروك يا حبيبي سمعنه اليوم
هلاهل زفتك وك دوم فرحان
ودم يا رب ما يطفي شمعتك
مبروك يا حبيبي
ومذكرت كلبي من لبست ابيض
بدلتك ... وك مبروك
لا تنصدم ... اي هذه اني وامسح دمعتك
اي هذه اني ااكدامك الذاب بكلمتك
لا تسكت ..
وتحسس العالم بسكتتك
جاي اهينك
واكلك تاليها لغيري صارت قسمتك
شفافي تشرب من دموعي
وانته العله شفافك بسمتك
خليني اودع وجهك وروحك
وارسم عله كلبي ضحكتك
ولا تتأكد .. وتباع بعين الغريب
ادريها العبره خنكتك
ولا تكون واهم هذه اني
العاشك .. والـ حبك انته
ومشتيك .. اي هذه اني
التحسر والدمعه تهوى همتك
اني الجنت عايش بين حضنك
وجوه ضلام خيمتك
ولك ليش يا حبيبي
هيجي بسهوله بانت كلمتك
دكلي احبك ... وذيج هيه
تلمع بأيدك حلقتك
ما جنت اضن تنكر الماي
وترابي واني وردتك
وك صرت مخدوع وغشيم
ومصدك ابدعنك
اي هذه اني
ليش ... هاي جزات كلبي
وجزات عيوني الظمتك
اني الجنت احيى بحياتك
واموت بموتتك
اني الجنت اسليك
واضحكك واابجيٍك
وياك وارتمي برميتك
ولك واهم كل الوهم
وصدكت بوعدك وكلمتك
مبروك يا حبيبي .. بصراحه
حلوه البدله عليك
وزادت روعتك
تحس بحشاي مثل السيف
من تعزف فرقتك
افطر الصخر بحسرتي
وادريهه دموع عيني الهدمتك
اي هذه اني ...
اي هذه اني .. احبك صار سنين
وحاضر وياك .. حته بزفتك
اي هذه اني ...


يتبع ...

[L•َِOَِ•Y•َِUَِ•S]

جرح بلا الم ميسمى مجروح
وعلى جرحي راح احجي واشكي اني
سفن اعداي تجهب بالبحر وبالريح
ومهدم شراعي ويجبي سلطاني
جروح الناس تشفه والالم ديزول
وبس جرحي بوسط هالروح ديعاني
كرفت تراب بيدي وصحت مقهور
وك ليش اني الوحيد الحزن حاضر كياني
يا فرح .. هم يشتروك الناس
العنده الفرح شراي اله اني
ويا حزن هم يطلبونك ناس
وك لرايد حزن ياخذ من احزاني
يا دنيه شكد ناس اذيتي وبعد
ما كافي بيج الطمع رديتي من ثاني
ابشرج ...
انه الصامد للابد وياج
ولو صاح الالم اقتلعه من شرياني
يا دنيه كولي .. شورطج وياي
بيه طبع ما ارحم الغطاس مثل الماي
ما نندم للدنيه ابد .. وشميصير
عمري الراح فدوه ويبتسم ملكاي
بينه الكرامه من الطفوله
وعلمونه صغار من اصمد تلوع النار جواي
خلص بعد ميهمني شتسوين
المزرف خناجر ميهمه رمح الجاي
المزرف خناجر ميهمه رمح الجاي


يتبع ..

[L•َِOَِ•Y•َِUَِ•S]

جرح البيه .. ما يشبه كل الجروح
وسالفتي طويله وما تنحجي من سجاجين
وك يا جرح .. تنزف ابد مطيب
اشد وياك .. وترجع تلاويني
ويا عين من القهر ... حزنانه متشوفين
ومن اصيح دموعج تخاويني
وك يا كلبي ..
يا كلبي متحب بس اليجرحوك
وكل ما انصحك ..
تضوج وتأذيني
وك ما اريدك ..ما اريدك بعد يا كلب اترجاك
خسرت وياك عمري وسنيني
دنيه غداره .. بسج تزلين
وبسج كل ما اضحكلج تبجيني
يالما شفت منج حلو
ضاع الفرح ضاعت عناويني
ثكلن همومي هدم
ما طحت ..
وشديت الجرح وظمدته بيديني
وادريك انه ناحل يا جسد
اترجاك لا اطيح .. وك فدوه تجيني
وادريهه الروح ذبلانه وعطشت
وك وين الكه الفرح حته يرويني
وانه ادريك يا كبريائي المجروح
كذاب واكف وخافي نياشيني
يدنيه بسج كافي تفترين
يالفرتج غدر ضيع دواويني
ما اريدن صحبتج .. رايد تروحين
حرمت عشرتي وياج يالدمرتيني
شسولف ؟؟
شسولف وابعثر بيج يا روحي
يالعسج بواجي وتبجيني
قطار الفرح بأخر محطات
وقطار الحزن واكف متانيني

قطار الفرح بأخر محطات
وقطار الحزن واكف متانيني


يتبع ....

[L•َِOَِ•Y•َِUَِ•S]

خرجت على طريق المنايا
على جروحي ماشيا
انظر لخيال جسدي
ويختبئ مني باكيا
انظر في عين الناس
في اعين الناس شاتيا
ابحث عن حبي في زمناً ضائع
توقفت امام البحر بدموعي ارميه سائلا
اهذا ما وعد لي القدر
ان اكون شاردا
هذه ما كنت اتأمله ومنه خائفا
لماذا
لماذا يا ربي
والى متى.. ابقى امام ضلام الليل ساهرا
فبدأت اتسأل عن مصيبتي
وبجرحي راجيا
ان لا ينزف من الدوع
ومن الاسهم راميا
رفعت راسي على السماء
من عيني على خدي الدمع سالكا
فصحت بصوتأ قد يهز الجبال
الى ربي شاكيا
فلم يرد الصوت
غير صداه يائسا
ان حنيت اصبحت امام بحر العذاب جالسا
وقلت له .. خذ ما في جسدي
فلــ عذابك انا فاديا
واتسأل .. متى تكون اليــه
ولقلبي راحما
فأجابني البحر
بامواجه قائلا
انت من اختار العشق
وانت من كنت فيه ساكنا
قتلت نفسي من شده الجروح
وطارت روحي مع تلك الارواح عاليا
واصبحت ضحيه عشق
كتبه لي حبا واهما
واصبحت ضحيه عشق
كتبه لي حبا واهما




حسن الطائي
................................................. هذياني .. :35

[مريومه العراقيه]

:35:35:35:35:35:35:35:35

[¤-•Daddy's Gi®l•-¤]

سلمــــــــــــت يداااااااااك


,,,


http://www.3raq4all.com/up/uploads/images/3raq4all.com_1de1ea2eee.gif

[Golden Girl]

روووووووووووووووووعة

عاشت ايدك يا مبدع .
لاتحرمنا من ديدك ..
تـح ـياتي..َ

[L•َِOَِ•Y•َِUَِ•S]

شكــــراً
ويسلموووو عالمروررر

[Miss Alrassam]

يسلمووووووووووووووووووووووو