عمية ايام هجرك

[* angel love *]

عمية ايام هجرك

عمية ايام هجرك كودها وشوف
ماتعرف تشوف بعينك الوان..

انه من ارد اشوفك انزع هموم
وكشخ من اجيك بثوب الاحزان..

عالم بالبجي مختص بالدموع
شابع بس حزن للفرحة جوعان..

شبجيلك بعد بس كلي شتريد
عدي هموم يتلفن كلب تلفان..

وعدي شكد عتب بجن مواويل
وشكد من ملامة بكلبي تنهان..

كظيت العمر بالحسره والاوف
بذات الفرح مادكلي بيبان..

حملي شكد ثكيل متعبك وياي
لتحمل مصايب وانت غركان..

واوزن دمعتك وقسمهه نصين
خلي الهم علينه يقسمة ميزان..

واذا رايد اهجرك بيك مالوم
تتعب من تخاوي كليب تعبان..

خليك اعلى صوبك بلكي ترتاح
وبعد عني روحي شبيك شتان..

بس اسمحلي اودع كلبي وياك
وكتب عل كلب جان اغلى انسان..

وشكد من جرح طشت هلعيون
بحر من الدموع العندي يفلان..

وهسه تكلي جايك امسح دموع
كلك ويه همك يمي فنجان..

كلك ويه همك يمي فنجان..

[AbO RiShA]

كلمات واحساس رائع
سلمت الانامل بما خطت

[L•َِOَِ•Y•َِUَِ•S]

تسلم ايدج ورده
كلمات روعه
تقبلي مروري وتحياتي

[* angel love *]

يسلموو عيوني علمرور منورين الموضوع