هل يحق للشاب تفتيش موبايل اخته؟شاركونا الراي

[عطر المودة]

هل يحق للشاب تفتيش موبايل اخته ؟ شاركينا الراي



اكيد الكل يعلم ان في بعض الشباب فيهم مثل ما نقول وسوسه او شك
او فضول او لقافه بأنه يفتش ..
موبايل اخته سواء كان يفتش الرسائل
او ارقام المكالمات او اي شي ثاني ...
واليكم الاسئله الاتيه:
هل يحق للشاب تفتيش موبايل اخته ؟
ماذا ستفعلين لو اكتشفتي ان اخاك يفعل هذا بصراحه؟
هل نقول على من يفعل هذا الشي مريض او عديم الثقه؟ ام ماذا؟؟
في المستقبل هل تقبلين هذا من زوجك ام لا ؟؟؟

[TBsy 9DE8y 3Bsy]

ترة ما بيهة شي اذا الواحد فتش موبايل اخته لان الي ما عندة غيرة على اخته وما يخاف عليهة هذا مو رجال
والشخص ترة لمن يفتش موبايل اخته هوة لان يغار ويخاف عليهة


ويسلمووو وردة على الموضوع

[StaY WitH Me]

امممممممم اذا جانت اخته اكبر منه فما يصير

و اذا اصغر مي بي يحقله و مي بي لا حسب الاخت

[Chocolate]

هذا اذا يدل على شي فيدل على عدم الثقه .... الا اذا اخته تسمحله يلعب بالموبايل

[دلع المنصور]

شكرا للموضوع
واني راي مابيها شي
بس اكيد انو لازم يكون لكل واحد خصوصة
اكيد هو ميقبل احد يفتش تلفونة
وشكرا على الموضوع

[theuniverseprincess]

مو من حقه يفتش بموبايل مهما كنت اني غلطانه
هاي خصوصياتي ومحد يحقله يدخل غير امي وابويه

يسلموووو ع الموضوع

[ملاك الحب]

عاا لا اكيد مو من حقه معناها ميثق بيها وبعدين كل شخص اله خصوصيه وهوة ماله حق يدخل بخصوصيات احد حتى لو جانت اخته ومثل مكالوا معناها ماعنده ثقه بيها واكيد هوة رح يضوج اكثر اذا لعبنه بتلفونه

اني ماحب هيج اخ يدخل اذا يريد يعرف شي يسألني

يسلمو ورده على الموضوع

[•·.·.¯`·.·• (مغترب في فنلندا ) •·.·.¯`·.·•]

والله اني برايي مابيه شي اذا الاخ فتش بموبايل اخته بس مو بقصد الشكد او عدم الثقة يعني دائما تلفون خواتي بايدية والعب بيهن وهم هم يلعبون بتلفوني

اني اكول اهم الشي الثقة ( ثق تاخذ الي تريده من اختك بكل سهولة واي شي يصير عده تجي تحجيلك)

اني هذا الاشوفه ومشكورة عالموضوع

[حمكي]

شكرا على الموضوع الروعه
والله اني بالنسبه اليه اذا ما عندي ثقه بختي ما اخذله
موبايل بس الحمد الله اني بعمري مكامش موبايل اختي لان عندي ثقه بيه
تحياتي

[Metal_Hero]

محد يفتش موبايل احد لا اخ لاخته ولا خاله لعمتها ولا جد لجدة
فتهمتواااااا


كائنا من يكون
مصير غلط موبايل احترم خصوصيه

(ولو اني موبايلي يم العالم 24 ساعه هو فارغ شكو بيه قابل!! وذا ماكلب بموبايل اختي منين اجيب نغمات متكلولي؟)
بس بالعموم ميصير واحد يلعب بموبايل غيرة
ويسلموا عالموضوع

[بنوتة]

اممممم اذا الاخ اصغــر من البنـية
فيعني ميحقلة انو يفتش بموبايلها

بس اذا الاخ اكبر من البنت فأني اكول يحقلة
لان اكيـد ديخاف عليـها ويفتش

بس مو كل يومـ يكعد يفتـش لان همـ لازم تكون اكو ثقة بين الاخ والاخـت

ويسلمو على الموضوع الرائع

[همسة الروح]

حقيقة من رايي انه على الام ان تقوم بهذه المهمه حتى لاتتسع دائرة الشك والمشاكل كذلك من حق الام ان تفتش كذلك بموبايل ابنها وان تسال ابناءها عن اي شك راودها من مس كول او مكالمة ما بشكل خاص وليس على مرأى من بقية العائلة والاخوة واخيرا موضوعج جمييييل جدا..تسلمين

[...~Iraqi Bella~...]

اول شي شكرا عالموضوع

الموبايل شي خصوصي ميحق لاحد يدخل بي
وهذا الشي يرجع عالاخت نفسها اكو بنات يكون ماعدهم شي بس ميحبون احد يلعب بموبايلاتهم

اني بالنسبة اليا ما عندي مانع احد يلعب بتلفوني بس يكون كدامي وبأذن مني
مو من ورايا الاكي احد يكلب بكيفه(والله اكلب الدنيا)ومو بس علموبايل اي شي ثاني يخصني


يسلمووووو

[همسة الروح]

بس ملاحظه انو البنات ضد فكرة تفتيش الاخ لموبايلها بس الولد رايهم انو شكو بيها!!!
ملاحظه لطيفه خخخخ

[العميد نهاد العراقي]

مشكوورة وردة
على طرح الموضوع
مابيه شي اذا الاخ لزم تلفون اخته
مو اله يكون بقصد التفتيش او بقصد التفتيش
صح اهنا راح تدخل انو بعض الاعضاء كالو
انو ماعنده ثقه الصراحه هذا الزمن يخوف
و لازم كل شخص يخاف على اخته
احنه عدنا غيره و معروفين بهذا الشي
و اني بالنسبه الي ما اعتقد بيه شي
تحياتي
العميد نهاد العراقي

[همسة الروح]

يعني مشفنا ولا ولد حبذ فكرة انو للاخت خصوصية حالها حاله وان للام دور التفتيش والتمحيص والتفحيص مو هوه هههه
وشكرا

[-*-*-*(weeT GIRL$ )*-*-*-]

اني بالنسبة اليه ما عندي اخ وحتى لو عندي فهاي خصوصياتي
و ميصير احد يلعب بموبايل غيره
اكيد لو هو هم واحد يفتش
بلموبايل ماله اكيد م راح
يسمح بهيج شي


الف شكر ع الموضوع الحلو

[Emad al-Samarrai]

والله اني رائي من حقي افتش موبايل اختي هيج اتفرج بي بس اذا كانت اختي عدهة شي واشك بيها هو مو بل موبايل هو بل حجي وياها وتفاهم تعرف شي لان موبايل ميبقى بي شي اذا عدها شي متخلي بالموبايل واذا تعرف احد متخلي رقمة بل موبايل فاكلشي بالحجي احسن من قوة والخوف وتهديد اي اتفرج موبايل اختي انقل نغمات وصور تقبلو مروري