ليش.. تكسر.. خاطري؟؟

[مـوتـي ولا مـوـت أحسـاسـي]

ليش تكسر خاطري ورايد تروح

هيج وبسرعة تكول انساني

رايح الله وياك بس دورني بيك

وعود دليني اذا تلكاني

ليش هسة انة صرت يمك غريب

تايه انة وضيعت عنواني

انت من دكيت بابي بلاية خوف

بيك امنت افتحت بيباني

وانت من طبيت كلبي بكل امان

ومارضيت ايفوت غيرك ثاني

هسة فجاء تريد تطلع مني ليش

بيك انت السبب لو بية اني

انة كل ذنبي احبك بس اريد

اصير فرحة مو تزيد احزاني

حزن جبت انة العمر بس ما بجيت

وانت بس حبك صدك بجاني

انة لجلك عفت كلشي بهالوجود

عفت كل اهلي وعفت خلاني

انة حتى احلامي صارت كلها بيك

وانة باسمك سجلت وجداني

وهسة جاي تريد تاخذ كلشي ليش

اسنين انة انطيك وبلاية ثمن

انطيت عمري وجان بي كومة امنيات

جاي هسة تكلي كلهن خــلصن


شلون وانة دموعي خلصن بس عليك

عيوني تبجي عيون لو هسة بجن

شلون كلي انطاك كلب من حجيت

وابد ما رجفن عيونك باوعن

مني رايد هسة ارجعلك جواب

راح اخلي جروحي هنة يجاوبن

احنة ما نطلب بعد منك تعود

وابد ما نطلب بعد منك تحن

رايدين اترد كلبنا المات بيك

حتى يمنة احنة بكرامة يندفن
انشاء الله تعجبكم
51:51:karamela51:51:

[AbO RiShA]

كلمات واحساس رائع
عاشت الايادي

[مـوتـي ولا مـوـت أحسـاسـي]

يسلمووو على
هالمرور الحلووو
تحياتووو.

[العميد نهاد العراقي]

تسلمين وردة
على الشعر الرائع و الجميل
دوومكِ مبدعه و متألقه
تحياتي
العميد نهاد العراقي

[مـوتـي ولا مـوـت أحسـاسـي]

يسلمووو عيوووني
على هالمرور الحلووو
تحياااااااتوووووووو.