الورد تارس حديقتنه\غزل

[L•َِOَِ•Y•َِUَِ•S]

الورد تارس حديقتنه وألف يا حيف
مر بيه العطش واصبح سبب موته
فقط بس وردة ظلت تزهي وسط البيت
لأن چفك لزمهه الوردة مبخوته
البلبل من يغرد وحده ينطي الحان
ومن اتسولف انته ينشز بصوته
عينك من تفكهه الشمس تطلع ليش
لأن جوه الجفن موجوده يا قوته
السانك من يسولف ليش تصغي الناس
لأن ما مره كلمة امن الوفه تفوته
چفك من يمر عل جرح ليش يطيب
لأن چفك محنه اتنگط امروته
بيوت گليبي گبلك هدموهه هواي
وما غيرك أبد حن وبنه بيوته
الجبل واضح قوي ومتهزه أكبر ريح
واذا شافك وحگك ترتجف قوته
البحر شيسكته لمن يعله بيه الروج
ولكن يم جمالك يعلن اسكوته
الگمر لمن خسف مو حوته تاكل بي
الكلا حسنك يعمي وماكو كل حوته

[Mr.Sheevo]

مشكور حبيبي لويوس عاشت ايديك حبيبي
تحياتي الك حبيبي

[L•َِOَِ•Y•َِUَِ•S]

thanx
.........

[AbO RiShA]

الف شكر ورده عاشت ايدك

[ساروو]

سيدي
كم هو جميل المكوث بين سطورك
فما ارق نسماتك ومااعذب شهد حروفك
سيدي
دام هذا القلم
ينثر عبيره في الارجاء
ويخط على هذه الصفحات
ابداعات غير عادية
دمت كما يليق بك واكثر

مرت من هنا
\
/
\
سـاروو