ابوذيات عتاب

[AbO RiShA]

هجرك حيل خايب مرضاني
زعلت وعكب شخصك مرضاني
ترض صدري وتكلي مرضاني
ولاجنك سحكت انته عليه

طفت عيني الجنت يسمر بهاراك
وعشرتك كالوحل صارت بهاراك
يحالي صفنك ادري بهاراك
وتعض بشفاك عالسويته بيه

لساني يعجبك بطكهن ملكلك
وزود البيه موملكي ملكلك
اذا ربك بعث حارس ملكلك
اخطفك انته والحارس سويه

ردت بالكون من عدك ولك حس
وجبينك لوعرك بيه ولك حس
ضربتك للعضم وصلت ولك حس
اموت تريد اموت وهاي هيه

عسى حد سيفه بنحري عساكر
ويتيه حساب طعناته عساكر
انه الجنت اهد لجلك عساكر
تلمني وبيه هسه تهد عليه

بوادي الشوك احس صوتي دوى لك
ودليلي شموع الك عشرة دوى لك
اذا كالولك بكتلي دوى لك
شتضن بدواك روحي اتعز عليه

موش شواي هم كلبي ولك من
وتمندل خايب بحجيك ولك من
احاجيك وتكلي انته ولك من
انه ستادك جنت وتلوذ بيه

شلت منه وتبعني هم لكاني
لكاني وشلكاني هم لكاني
عسل ضنه بعدني هم لكاني
صرت سم وخذت ثارات اليه

احن انه لعشرتك بيه سبه
سلبني وصار حالي بيه سبه
وحك ذاك الصميده بيه سبه
اخلي اهل الكبور تهد عليه

اريد العشره انه اطويه ولفه
بسبب لن الغدر بيه ولفه
جروح اللفين احس بيه ولفه
يعد اللفين من تجبل عليه

تحياتي للجميع

[ساروو]

سيدي
كم هو جميل المكوث بين سطورك
فما ارق نسماتك ومااعذب شهد حروفك
سيدي
دام هذا القلم
ينثر عبيره في الارجاء
ويخط على هذه الصفحات
ابداعات غير عادية
دمت كما يليق بك واكثر

مرت من هنا
\
/
\
سـاروو

[AbO RiShA]

شكرآ على المرور العطر
منوووووره

[مـوتـي ولا مـوـت أحسـاسـي]

45:كلش حلوووه
عاشت ايدك عيوووني
وارجو ان تتقبل مروري البسيط
تحيااتوووو.

[AbO RiShA]

منووووره ورده

[sυρєянυмαη]

يسلمووووووو ورد
تحياتي

[iraqi women]

السلام عليكم
تسلم يا رب

[سندس]

:a (2):........................................

[سندس]

كلشي حلو ببروفايلك وانته احلى:Smiles Lot 1 (11):
ارجو تقبل مروري

[ۅرډة فـޢޢـرنـޢޢـسـޢޢـآ]

عاااااش الذوقكولش حلوات مشكور