شنو السبب؟؟؟؟

[مريومه العراقيه]

مرحباااا
موضوع بالي من فتره وحبيت اطرحه واعرف رأيكم بهالشي هذا
او اريد اسالكم سؤال ويمكن هو مشكله او يمكن كارثه...
ليش ماكو وفاء هذه الايام وليش واحد يغدر بالثاني؟؟
ليش الكلمه القاسيه والجارحه بسرعه تنقال وحتى اسرع من الكلمه الطيبه؟؟؟
ممن المشكله؟؟ من الاشخاص نفسهم لو من الزمن والضروف القاسيه الي نتج عنها قلوب قاسيه



زين ليش الي تثق بيه وتحترمه يخونك بسرعا ويغدر بيك ؟؟
شخص خانك وغدرك بيك بعد موثقت بيه ومو بس هيج مكفاه الي سواه
زرع كلام موصحيح بعقول اشخاص للاسف صدكوه بدون ميعرفون الحقيقه
ليش هيج مشاعر الناس لعبه بيدهم وين الصدق والحب والاخلاص
الي يحجون بيه؟؟ لو هو بس مجرد كلام بدون تنفيذ!؟

اتمنى تناقشوني بهالموضوع


لكم مني كل الحب...

[دلع المنصور]

تسلمين حبي على الموضوع
وموضوع رائع ويستاهل النقاش
لان اني هم هيج صارت بية ومو مرة ومرتني اكثر من مرة
ولحد هسة مداعرف السبب ليش؟
وشكرا على الموضوع

[مريومه العراقيه]

تسلمين حبي على المرور ونشوف اراء الباقي
منوررررره

[برنس بغداد]

والله ماادري
و احنه بزمن محد يعلم بيه اله رب العالمين
والناس صارت تخوف ماادري ليش 48:

[عراقية كوول]

هي الدنيا مادري شلونها
ومادري شنو من ناس بيها!32:
مشكورة حبي

[مريومه العراقيه]

منورررررررين وفعلا هيه الناس هيج
بس لو حنضل انكول هم هيج ومدري شنو مرح نوصل النتيجه
ولا حنحل اي شي ولا حنكدر انصلح اي شي
للاسف
شكرا للمروركم

[سارا]

شكرا على الموضوع الرائع وسؤال صعب اكيد من بعض الناس اللي قلبهم صار قاسي اما من تجربه او حاله عاشو بيه اوو من الزمن القاسي اللي غير اطباع الناس وزرع بقلبهم الحقد والغدر والخيانه والكذب ......الخ
بس لازم انكون حريصين بااختيار الاشخاص المقربين الينا
تحياتي الج تقبلي مروري

[مريومه العراقيه]

منوره ورده وشكرا على رايج وصراحتج
ولو تجين للحقيقه للاسف مو الضروف ولا الوقت
هم الناس بيدهم الي سوو هيج شي عمو عيونهم وسدو قلوبهم
وهسه الي يريدك مصلحه وبس تنتهي يكولك بيباي
شكرا على مرورج وردج مره ثانيه
تحياتي

[مصطفى991]

شكرا عى هذ الموضوع :23:23:23:23:23

[مريومه العراقيه]

شكرا على المرور تحياتي

[...~Iraqi Bella~...]

شوفي حبي الناس اشكال
وهذا الشي مو جديد يعني الغدر والخيانة موجودة من زمااان بس يجوز من الانسان
ينخرط بمجتمع منفتح يللا يشوف الناس على حقيقتها

ف الانسان لازم يدير باله من البداية وما ينطي ثقته باي احد


شووكرا عالموضوع وعاشت ايدج

[مريومه العراقيه]

فعلا كلامج صحيح لازم مينطي ثقته بسهوله
شكرا للمرور الحلو حبي

[دمعة ألم]

شكرا على الموضوع والسؤال بلاحرى الي مدوخ الكل
احنة بهذا الوكت الناس صارت بس تمشي وره مصلحته
وماكو نهائيا وفاء واخلاص ولا محبه
كله اتغيرت لازم انكون شديدين الحرص من اقرب الناس النه لانه كله تغدر بينه
والله يلطف بينه ويخلينه ايد وحدة ومو كل واحد خايف من الثاني

[اسد الرافدين]

هلو مريومه شلونج؟ موضوع حلو ويستحق المناقشه والله اني عندي رأي واتمنى يعجبكم الغلط مو بلزمن الغلط بينه احنه شوكت منعرف نختار الاشخاص المناسبين الي نعتمد عليهم انكوم بعد منخاف من الخيانه ولا من فضح اسرارنا اي أتمناهم عليها وماكو واحد ميغلط ويعاشر ناس وينخدع بيهم بس المفروض ايصيرله ابكل لسعه درس مينساها لحد مايلكه الانسان الي ممكن يعتمد عليه العمر كله اعذروني طولت عليكم واكول شغله اذا خليت قلبت واكيد اكو ناس هواي داير ميدورنه ممكن انحبهم ونعتمد عليهم بس احنه المامنتبهين مو صح؟؟؟؟تقبلوو مروري ياورود:23:23:23:23:23:23