دمعة ألم
2009-06-05, 03:16 PM
يحكى ان احد العاشقين كان يمشي مترنما ببيت الشعر المعروف:
لو كان لي قلبان لعشت بواحدٍ **** وتركت الاخير في هواك معذبا
فسمعه احد الكهول وقال له (باللهجه الدارجه):
تتمنى لك كلبين! غمك لهلراي ***** نص كلب عندي اعليل وانطيته لهواي
للحِمل كَوة أنشيل غصبن على الروح**الكَلب صار أرماد مايحمل أجروح
لو غبت عني الروح احسبها شده
واحرك ابدمع العين حتى المخده
حوار بين اب وابنه(اكيد بالدارمي)
وهذا الحوار:
الاب:ـ
يوليدي اعرف بيك عاشك واعذرك***ومن تطخ الراس من حكي احذرك
الابن:ـ
يابويه اضل للدوم عد حسن ضنك***شمعه على درب الشوك كل كلمه منك
الاب:ـ
يوليدي درب الشوك كبلك مشيته***سهله بدمع تبجي بالدم بجيته
الابن:ـ
يابويه عد عيناك بس كلي هسه***انسه الاحبها تريد وعيونك انسه
الاب:ـ
لايبني كلبي ارتاح تدلل وحب***بس اضن هم يفيد حجي المجرب
الابن:ـ
انه اشكر الله هواي مثلك ابو يصير***
بطيبه وكلب فرحان ينصحني ويشير
الاب:ـ
يوليدي اريدك دوم تندل طريقك***واحسبني من هاليوم بالحب صديقك
....................................
فارغ مكانك صار من رحت لليوم
محد تربع بيه وگليبي مهضوم
لاتسال على الحال خليها سكتة
تنشد على المكتول والكاتل انته
عيوني من فركاك مبتلية بالهم
اضحك تسيل ادموع اسكت تصب دم
متروسه روحي هموم محد حملها
بس من افكر بيك انساها كلها
كاعد وادور اعليك ودموعي بالعين
ثاري الكلب خافيك بين الشرايين
صح انت عن عيني بعيد صح ما اشوفك
بس كلبي بالدكات يكتب احروفك
اهتم واهم اعليك وابجي اعلة الفراك
كل جرح بية ايطيب من اكعد وياك
روحي وعيوني وياك والكلب يمك
يمشن سوه بشريان دمي ويه دمك
صبح وعصر وغروب وبوحشة الليل
وبكل دقيقه الروح تشتاك ألك حيل
كون انه اعمه عيون واتلمس الناس
حتى ابدي ويه هواي من جدمه للراس
شيمني بالتنور واحركني بيدك
بس لاتلوح النار كلب اليريدك
اليمك حجالك زور مرلي وحجالي
بس مافهمته شكال جنت على بالي
أسهر واعوف النوم وأصبحلك عيون
يل بالكلب موجود نسيانك اشلون؟؟؟
ارد انشد اهل الشوروالعدهم الراي
شنو الدوه الماصوف لليغص بالماي
سهله اليغص بالماي وشيصبرك بهاي
بالنفس روحي تروح من اذكر اهواي
أكــــعد وأشب الــنار وأذكر وليفي
وبحــجه الدخــان أبجي على كـــيفي
لامعتبرني إهواك .. لا إنته ناســي
مثل الشمع ظليت .. ناري أعله راسي
عطّاب أشم بالبيت گمت آنه أدوّر ... ثاري أبدليلي النار بركان يفوّر
أشما ارد اغمض العين طيفك يجيني
مدري انته رمش العين مدري انته عيني
سبحان من خلاك تقسي ابغرامك
جانك اتداوي اجروح رق بكلامك
ارد انشد الصباغ هم يصبغ اكَــلوب
اصبغ دليلي اعليك واحزن فرد نوب
أرد انشدك وارجوك صارحني ياهواي
تذكرني لوغصيت من تشرب المــاي
خـاف اللـه يالمريت ما كـلـمـتـنـي *** لـيـتك حجيت اوياي لو شـتـمـتـنـي
وي روحي أسولف بيك ماتسمع الصوت
دم أنته بالشريان بس تو كف امووووووووت
ويا النجم سهران وايدي أعلى خــدي
ليل أوظلام الليل شو كلها ضـــدي
اكتب شعر كل يوم واتهجى باسمك
واكعد بتالي الليل وابجي اعلي رسمك
لاتسأل إعله الحال خليها سكته .. تسأل على المكتول والكاتل إنته
(لا تسألني كيف حالي وانت تدري اني مقتول وانت قاتلي)
ما اسئل عن الحال .شحجي وتريد الناس من عندي أحجي
دمعتي إبطرف العين بس أحجي أبجي
كلما اكول انساك يرتعش جسمي***ويرجف جميع عضاي يابعد رسمي
يسألني البطران اعربلي كانه
حسباله مثل العام عقلي بمكانة
نور ونظر للعين ولكلبي دكات***لو بيدي اودي الروح ماودي كلمات
تحياتي الكم
لتنسوني بلرد
53:
لو كان لي قلبان لعشت بواحدٍ **** وتركت الاخير في هواك معذبا
فسمعه احد الكهول وقال له (باللهجه الدارجه):
تتمنى لك كلبين! غمك لهلراي ***** نص كلب عندي اعليل وانطيته لهواي
للحِمل كَوة أنشيل غصبن على الروح**الكَلب صار أرماد مايحمل أجروح
لو غبت عني الروح احسبها شده
واحرك ابدمع العين حتى المخده
حوار بين اب وابنه(اكيد بالدارمي)
وهذا الحوار:
الاب:ـ
يوليدي اعرف بيك عاشك واعذرك***ومن تطخ الراس من حكي احذرك
الابن:ـ
يابويه اضل للدوم عد حسن ضنك***شمعه على درب الشوك كل كلمه منك
الاب:ـ
يوليدي درب الشوك كبلك مشيته***سهله بدمع تبجي بالدم بجيته
الابن:ـ
يابويه عد عيناك بس كلي هسه***انسه الاحبها تريد وعيونك انسه
الاب:ـ
لايبني كلبي ارتاح تدلل وحب***بس اضن هم يفيد حجي المجرب
الابن:ـ
انه اشكر الله هواي مثلك ابو يصير***
بطيبه وكلب فرحان ينصحني ويشير
الاب:ـ
يوليدي اريدك دوم تندل طريقك***واحسبني من هاليوم بالحب صديقك
....................................
فارغ مكانك صار من رحت لليوم
محد تربع بيه وگليبي مهضوم
لاتسال على الحال خليها سكتة
تنشد على المكتول والكاتل انته
عيوني من فركاك مبتلية بالهم
اضحك تسيل ادموع اسكت تصب دم
متروسه روحي هموم محد حملها
بس من افكر بيك انساها كلها
كاعد وادور اعليك ودموعي بالعين
ثاري الكلب خافيك بين الشرايين
صح انت عن عيني بعيد صح ما اشوفك
بس كلبي بالدكات يكتب احروفك
اهتم واهم اعليك وابجي اعلة الفراك
كل جرح بية ايطيب من اكعد وياك
روحي وعيوني وياك والكلب يمك
يمشن سوه بشريان دمي ويه دمك
صبح وعصر وغروب وبوحشة الليل
وبكل دقيقه الروح تشتاك ألك حيل
كون انه اعمه عيون واتلمس الناس
حتى ابدي ويه هواي من جدمه للراس
شيمني بالتنور واحركني بيدك
بس لاتلوح النار كلب اليريدك
اليمك حجالك زور مرلي وحجالي
بس مافهمته شكال جنت على بالي
أسهر واعوف النوم وأصبحلك عيون
يل بالكلب موجود نسيانك اشلون؟؟؟
ارد انشد اهل الشوروالعدهم الراي
شنو الدوه الماصوف لليغص بالماي
سهله اليغص بالماي وشيصبرك بهاي
بالنفس روحي تروح من اذكر اهواي
أكــــعد وأشب الــنار وأذكر وليفي
وبحــجه الدخــان أبجي على كـــيفي
لامعتبرني إهواك .. لا إنته ناســي
مثل الشمع ظليت .. ناري أعله راسي
عطّاب أشم بالبيت گمت آنه أدوّر ... ثاري أبدليلي النار بركان يفوّر
أشما ارد اغمض العين طيفك يجيني
مدري انته رمش العين مدري انته عيني
سبحان من خلاك تقسي ابغرامك
جانك اتداوي اجروح رق بكلامك
ارد انشد الصباغ هم يصبغ اكَــلوب
اصبغ دليلي اعليك واحزن فرد نوب
أرد انشدك وارجوك صارحني ياهواي
تذكرني لوغصيت من تشرب المــاي
خـاف اللـه يالمريت ما كـلـمـتـنـي *** لـيـتك حجيت اوياي لو شـتـمـتـنـي
وي روحي أسولف بيك ماتسمع الصوت
دم أنته بالشريان بس تو كف امووووووووت
ويا النجم سهران وايدي أعلى خــدي
ليل أوظلام الليل شو كلها ضـــدي
اكتب شعر كل يوم واتهجى باسمك
واكعد بتالي الليل وابجي اعلي رسمك
لاتسأل إعله الحال خليها سكته .. تسأل على المكتول والكاتل إنته
(لا تسألني كيف حالي وانت تدري اني مقتول وانت قاتلي)
ما اسئل عن الحال .شحجي وتريد الناس من عندي أحجي
دمعتي إبطرف العين بس أحجي أبجي
كلما اكول انساك يرتعش جسمي***ويرجف جميع عضاي يابعد رسمي
يسألني البطران اعربلي كانه
حسباله مثل العام عقلي بمكانة
نور ونظر للعين ولكلبي دكات***لو بيدي اودي الروح ماودي كلمات
تحياتي الكم
لتنسوني بلرد
53: