يا كمـ،ـر

[L•َِOَِ•Y•َِUَِ•S]

ياكمـ،ـر
بهيده على بختك يا كمر .. مساهر واريد اشكيلك



انه غريب ابدنيتي .. مضيّع وادور ابليلك



عن ربعة اهلي ، ودلّة الديوان ، ومواويلك



عن ضحكة البربين لعيون الدلو



عن رقصة الصفصاف والماي الحلو



عن صحبتي، وخلاني , وعيون النهر



بهيده على بختك يا كمر



***



يا غربتي ...



غربة عصافير التودع اعشوشها... برفّة جنح



ويا دمعتي ...



دمعة الكاع التبكي موت اهروشها... بجيت الملح



يا دار اهلنا الطاهره ... مر العمر



عيون اليحب امساهره ...ومامش خبر



بهيده على بختك يا كمر

***



وك يا كمرنه مروتك ... حنّي الشواطي بدمعتي



كلهم كبرت اعله الصبر...والونّه صارت غنوتي



مشتاق ابوسن دجله... واشرب مايها



واعزف ترانيم المحبّه بنايها



دجله الهوى ، والسوق ، والحب ، والسهر



بهيده على بختك يا كمر


تحياتيـــ51:

[Zaid Al Hialy]

عاشت الايادي الحلوة عالموضوع الحلوو
تقبل مروري و تحياتي

[L•َِOَِ•Y•َِUَِ•S]

منوررررررر الشعر ورده
يسلمو عله مرورك وردك الحلو
تحياتيـــ

[نونه البزونه]

مشكور عل شعر

[L•َِOَِ•Y•َِUَِ•S]

منـ،ـوره الشعر ورده
يسلمو عله مرورج وردج الحلو
تحياتيـــ

[سََـ,,ـفِــير الـَـحُبــ,,ـ]

والله ذوق لويس عاشت ايدك ورده

تقبل مروري

تحياتي&سفير الحب

[L•َِOَِ•Y•َِUَِ•S]

يسلمـ،ـو وو علـ،ـه مـ،ـرورك الحـ،ـلو وردك الاحـ،ـله
تحياتـ،ـيـــ