تقسيم الطلاب كلمن حسب كعدتة بالصف

[ساروو]

اكو طبعا هوايه تقسيمات للطلاب
طبعا كلكم تعرفون ايام المدرسه والدوام


الظهري 100% مطفي
الصبحي 100% نعسان
وبالاضافه الى الجوع والحموضه من وره المدرسين ( الله ايجازيهم)

بس اسهل تقسيم (سيم مال مواعين )


* المجموعه اولى:-


اخر رحلتين بالصف اتكون للطلاب الشلايتيه ( جكاير . حبوب . مشروب)
وكل المدرسه اتخاف منهم محد احبهم حتى الاستاذ خاف منهم
وكلها بالصف افتح بلوتوث خالي خوش بضاعه عندي وعلى هذا الحال ويمتازون( ماقارين ادروسهم , وعراكه)
ذوله طبعا تلكى نصهم ثالث درس يفلتون وين متدري ...البقيه لا والله يطولون للدرس الخامس لان صاحبته الظاهر رح تتاخر



* المجموعه الثانيه:-





ثاني رحلتين قبل الاخير اتكون للطلاب ( مضحكه الصف. وجبناء) ويكونون من جماعه اخر رحلتين بالصف ( يعني نفس العصابه) ويمتازون بالغش بالامتحانات

* المجموعه الثالثه:-





ثاني رحلتين قبل البدايه اتكون طلاب هاي الرحلتين( مساكين . فقره . فطر) حته البزون ياكل عشاهم ( ليش يعوفون عشاهم ووين يلكاه البزون متدري )
ويمتازن( مؤدبين , عاقلين ) ولواكه للمدرسه على الاساس همه شطار + لواكه لابن المعلم او المعلمه

*المجموعه الرابعه :-



اول رحلتين بالصف تكون طلبها( شطار. حموضه . حدايق. مجرثميين للمواد) ويحضرون كل الدروس وابد مايغيبون والمدرس احبهم لان يمسحون الصبوره

* المجموعه الخامسه:-
هاي المجموعه ما عدهم رحلات يكعدون عليها اصلا .. لانهم مجموعه مالها مكان بالصف يعني اصلا ميداوم ( 24 ساعه يم مدارس البنات ويمتاز طلاب هذه المجموعه ( بملابسهم الي مو مال مدرسه يعني شكال ابو الجعب وشكال الكتان ) بمعنى اصح كشاخه المدرسه
لازم تحددون انتو يا صنف منهم

يلة كولولي وين جنتوا تكعدون

[ابو طويلة]

ههههههههههههههههههههه

اني المجموعة الاولى بس جنت شاطر وميخلوني اكعد بالبداية لان محد يشوف شي

مشكور صديقي

تحياتي

[أنـ..ــفآس رَجٌــل]

:q7::q7::q7::q7:
خرب بلحظ :q2::q2:

[-*-*-*(weeT GIRL$ )*-*-*-]

هههههههههههههههههه عاشت ايدج حياتي ع الموضوع الحلو
وننتظر المزيد:q01:

[HamaDa]

هههههههه
روعة عاشت الايادي
تحياتي