تسجيل الدخول

مشاهدة النسخة كاملة : اكتب قصيدة تحشيشية


nosnos
2009-08-18, 09:32 PM
مرحبا شباب وصبايا شلونكم
العبة امبينة من اسمها





اكتب قصيدة تحشيشية



قصيرة طويلة
ابوذية دارمي
اي شي


يلة سمعونة
nosnos
2009-08-18, 09:32 PM
واني رح ابدي

تدلل يالذهب شعرك يالخدودك ورد جـــــــــوري
ولا امـلك يالـمــعــــدل إذا مـلتــني أشــــــــــهوري
إلك بس أنت اغـــــنيلك ألك ياأغلى جمـهــــــــوري
إنا الشـعر ألــي حـــــار وياك ماترهم على بــحوري
وإلك وسط الگلب تنـــور ابــد مـا يـطــفي تـنــــوري
وأطرزك بالشعر قصــه وأمــــثــــل دورك ودوري
وافــتـح بـالعـشــگ ورده وأحسك لون وعطــــوري
وانـاطر جيـتك من تــهـل صايم وانطر فـطـــــوري
وأشوفك وارتجف كـــــلي ولا أسيطر على شـعوري
وأضيع بالحجي اللســـاني ويوكف كل ألحجي بزوري
وأگلك لمن تسلم هلا هلا هـلا بمرســوم جــمــهوري
شــگــلك قــلعه جــنت إني اجــيت وهــدمت ســــوري
أگــــلك بـــاي بـگــلـــيـبي وإنا مــدليك نــاطــوري
أضل عاشگ سمه عيونــك ياليلي وظلمتي ونـــوري
احـــبك لأكن من أحـــجي أخاف إني أنضرب بوري
nosnos
2009-08-18, 09:49 PM
عطر محبوبي لمن فات عطلة
ولون كلبك يخونك يوم عطلة
جمعة وسبت خوش تصير عطلة
ملح
اسد الرافدين
2009-08-18, 09:52 PM
هلو ورده موضوع


حلو واني راح اشارك بهاي القصيده مال واحد ضايج من الكبد مالته





يا ابشع ال حريم يا مدمنه البرسيم
ان شاء الله يخلصنة منج الكريم
يا خذج ونرتاح من وجهج اللئيم
يا ارخص الناس يا وجه النسناس
ياردىء الاجناس
انتي عندج فقر احساس
حمدي ربج لو رضة بيج كناس
انتي جمالج مجرد اوهام
انهي حياتي وياج بضغطه ابهام


شوصــــــــــــــــفج
وجهج مثل علامه الاستفهام
وسنونج مثل ضحايا فيتنام
وشعرج مثل عش الحمام
والكَمل براسج سوى عمايل مسلسلات وافلام
لتاته لسانج تابع لوزاره الاعلام
لسانج مثل بلاعه الحمام
تتطاير من حلكج مذنبات واجرام
شسوي اكرهج وبعد ما اعرف انام
وشووووكرااا نياااااااااا:q01: انشالله حلوه وتعجبكم
اسد الرافدين
HamaDa
2009-08-18, 09:54 PM
شكراً ع الموضوع حلوة


منين اجيتيني ولج
خربطتي كل غزلاتي
وان جان محتاجه خدم
خادم الج مولاتي
من جنت اصلي ومنسجم
وتحرم علي لفتاتي
ولمن شفت طولج خطف
ضاعت علي ركعاتي
وصليت سجدات السهو
منج اجن غلطاتي
واستغفرت ربي بعجل
وزادت الج دعواتي
والكلب زاد بدكته
وسالت الج دمعاتي
وغيمت روحي من القهر
وضاعت علي بسماتي
المن اسولف قصتي
ووضحت علي لهفاتي
عينج مثل عين الرشا
وصوتج غلب نغماتي
طولج مثل طول الرمح
واخفي بالم حسراتي
لنج زغيره بالعمر
وانا اكثرت شيبياتي
ولمن اطلبج من هلج
ترجع اظن طلباتي
يكولولي ماتستحي
وماحققوا رغباتي
صدكيني لو رادوا مهر
افديلج بنياتي
دلال اصيحن بالعمر
ومايغلن اهديماتي
والروح ارخصها الج
والكلب وعويناتي
ارجوج لاتتاثري
وخلي علي اهاتي
كلبج جديد على الهوى
وظيمي اكل صفحاتي
واللي اشوفه احسن الي
اسكت على جلماتي
لن الحجي مابيه نفع
واحسن من الفشلات
nosnos
2009-08-18, 10:02 PM
يدللو الحلوين
منورين وسمعو هاي
جدري غله ميه وابد مافار
ولا بقى بيتي لاجريدي ولا فار
ولانا مكمل الخدمة ولافار
اركض والعريف يدك عليه
nosnos
2009-08-18, 10:18 PM
صوبه
اريد اقصد درب ولفي وصوبه
واريد ارمي بسهم قلبه واصوبه
الشتا جاني بلا جوله وصوبه
اكعد للصبح افرك بديه
nosnos
2009-08-19, 01:41 PM
دخنت من التتن دنهل وسومر
وقلبي من هواكم زنجر وسومر
احبكم من عهد بابل وسومر
ولك حتى حمورابي انكسر قلبة علية