اشعار عراقية

[وسام الجبوري]

السلام عليكم

ارجو من اعضاء منتدى عـــ الـــكـــل ـر اق
والى كل من لديه اشعار عراقية مماثلة كتابتها
شكراً



كلبي غله ماية وابد ما ......... فار
ولا ضل بيتي لا جريدي ولا .......فار
ولا انا مكمل الخدمة ولا ...............فار
اركض والعريف يركض ورايه



محبتكم علينه هاي ......... نعمة
وبعد ما نشوف الزاد ............نعمة
اكو اغنية بشريط حسين ..............نعمة
كافي من البعد حنو علية



سابيني بجمالة وطول ........شعرة
واني ادوخ من اسمع ابيات ........شعرة
اني بيني وبين الموت ......................شعرة
حبيبي يمته تلحك عليه



لاجل عينك لشد رتبة .............ملازم
وأنا بحبك لاضل اطبع ..................ملازم
اذا متريدني عوفني ............................ملازم
الف واحد يذب روحة عليه




:23 :23 :23 :23 :23 :23 :23 :23 :23

[برنس بغداد]

مشكور ورده
بس لازم ينقل لمكانه الصحيح
تحيااتي

[•كہاتہم الاـح°زانہ•]

عاشت اايدك رووووووووعة
اشعار كلش حلوة
في انتظار القادم

تحياتي

[وسام الجبوري]

مثل صوت الذيابة صوته ...........لاحن
لآن انياب اللك بالعظم ....................لاحن
لا رجف قلبك عليه و..........................لاحن
لآن قلبك جمر بالذات عليه





اني اعتذر على ...............سويته
وجبل غرورج وياه الكاع ............سويته
ولج اني مبقيت شيء بالدنية ما ...............سويته
جايه انتي تفيكين عليه







قاتل الاسلام كله ..............بالطف
ولاتحطون الحطب عالنار ...........بالطف
وحك الحسين المات .........................بالطف
نرجع ونتوحد سويه




من هجرك بقى الدلال .............. بس تك
لتلعب على الحبلين ...........................بس تك
امس بالحلم مدري منين ................................بس تك
لان كلك حلو وتاهت عليه





عينك بكلبي حيل ...........شرعاً
وسفن حبك بخليج الروح .........شرعاً
وردت مذهب يحلل بوس ............... شرعاً
واذا ماكو ارد للجاهليه