طيف الدليمي
2009-09-08, 04:38 PM
قبل لا انه اشوفك بيه موجود
جنت جاهل وارسمك علحياطين
شحصل عمري منك بس الهموم
كظاهه جروح بحلوك السجاجين
محسب كرم حاتم عندك يصير
من بعيد غرتني البساتين
مسبل تين خدك وانه جوعان
ولمن وصل حدي يخلص التين
تسالني اعله حالي وحالي يا حال
لان كل زين عمرك ضيعه الشين
اضل وياك حاضر وبشرط كون
اذا الواحد تقسمه ويطلع اثنين
بعد ما اخلي عيني تشوفك بيوم
اكفي الروح شرك والستر زين
طحت من عيني كتلك والدمع طاح
وقبل لا تطيح طاحت قبلك العين
بجيت وخلص دمعي وشل الماي
وبقيت ابجي عليك ودمعي بلدين
اخلص هسه عاشك والكلب كال
خوفك من جرح لو عمره يومين
ابشرك طلع حبك مثل الجروح
جرح راجع طفل لو باقي سنتين
انه شتاكيت الك وبلحظه وداع
مثل ما كتلي رايح رفت العين
اعله شباج الكلب تتصارخ اهات
صريخ الجوع لو ظك المساجين
رغم كل هلخيانه بدمك تدور
اسال من فكدتك وين ما وين
ومن رديت اليه احتارت الروح
اشم بعطر خدك والوجنتين
شبكتك ما اهدك شبكتي شلون
مريض وجلب بشباج الحسين
جنت جاهل وارسمك علحياطين
شحصل عمري منك بس الهموم
كظاهه جروح بحلوك السجاجين
محسب كرم حاتم عندك يصير
من بعيد غرتني البساتين
مسبل تين خدك وانه جوعان
ولمن وصل حدي يخلص التين
تسالني اعله حالي وحالي يا حال
لان كل زين عمرك ضيعه الشين
اضل وياك حاضر وبشرط كون
اذا الواحد تقسمه ويطلع اثنين
بعد ما اخلي عيني تشوفك بيوم
اكفي الروح شرك والستر زين
طحت من عيني كتلك والدمع طاح
وقبل لا تطيح طاحت قبلك العين
بجيت وخلص دمعي وشل الماي
وبقيت ابجي عليك ودمعي بلدين
اخلص هسه عاشك والكلب كال
خوفك من جرح لو عمره يومين
ابشرك طلع حبك مثل الجروح
جرح راجع طفل لو باقي سنتين
انه شتاكيت الك وبلحظه وداع
مثل ما كتلي رايح رفت العين
اعله شباج الكلب تتصارخ اهات
صريخ الجوع لو ظك المساجين
رغم كل هلخيانه بدمك تدور
اسال من فكدتك وين ما وين
ومن رديت اليه احتارت الروح
اشم بعطر خدك والوجنتين
شبكتك ما اهدك شبكتي شلون
مريض وجلب بشباج الحسين