مغـ،ـرور

[L•َِOَِ•Y•َِUَِ•S]

مغـ،ـرور
انا بلياك ... كلبي اشما يدك يبرد


يا باب الفرح .. والحزن مد الشرف


خايف لا يهب عالي الهوى وتنسد


يا اسود رمش هنيال لون الليل


جي لنه ويه عينك دوم .. يتودد


فضلك عالحسن ... انت اخر العنكود


وبستان الورد لولاك ما ورد


يا زفه عرس ... ضحكتك تالي الليل


ويا عين الصكر .. بالزعل من تحتد


يالتدلع خنج .. واليحب مو كصاي


وانته اعله الجتل ... مبخوث تتكصد


يا صوغه هدايه وفضفضاك الليل


لا تلتم بديه ...لا هدى .. وتنشد


عودني اعله بعدك وانته ابو الطيبات


بلجي عالصبر .. يمعود .. اتعود


كالولك حلو .. وخلوك بيه اتجور


والكلك .. اشوصف بيك ؟ وشعدد ؟



اشو لا ... مو حلو .. وما تشبه الغزلان


ولا ريح الكرنفال بيك .. لو ورد


ولا عينك مسافه .. وبسمتك سلوان


ولا كل اليشوفك تمر .. يتحدد


ولا الله ابتلاني .. وخالط الجيلين


ولا عمري .. اعله شربة الماي .. يتفرهد


ولا تزهي ابشبابك .. ما خذك طيغان


ولا انته العزيز .. البيك بس اركد


ولا صوت شعر .. وحجايتك ناكوط


وبشفافك نظاره الما حواها احد


ولا غاوي ولا لذيذ وتشبه النعناع


طيبه.. وطيبتك كل يوم تتجدد


ولا طولك مصيبه .. ومثل كل الناس


حسنك مو قبى .. وخدك مثل كل خد


يا اسهل من اسمي .. وصعب حد الغيظ


وطلاسم لو ردت وياي تتشدد


صدكني احبك حب غريب الطور


واحب صبرك عليه وما كلت لحد


تحياتيـ،ـ

[نونه البزونه]

تسلم ايـــــــدك

[L•َِOَِ•Y•َِUَِ•S]

يسلمـ،ـو وو علـ،ـه مـ،ـرورج الحـ،ـلو وردج الاحـ،ـله
تحياتـ،ـيـــ