وسام الجبوري
2009-09-15, 12:48 AM
الــبــيــتــنــجــان
أسود سواد الليل والزلف أخضر واللمعة چن روغان والريحة عنبّر
غلطان اذا ظنّيت بالشتا ننساك رسمك ثبت بالعين والطاوة ويّاك
بالحمس بالتركيب بالمرگة شفناك موّتِت كل الناس من بعد فرگاك
چذاب كل من گال متفيد، مغثوث يمنشّط المصران يمصبّغ ال tooth
بالدهن من غطّيت نشّفتة كلّة سعر الدهن ياناس سوّالي علّة
يروح السمج والبيض واللحم فدوة لعيون بيتنجان بس هوّة يسوة
أسود بعين الناس بعيوني تبني واحد من اهل البيت حِسبتك إبني
هم طرشي هم تگلاه هم شيخ محشي مثل الذهب يا ناس بالسوك يمشي
يالتحچي عالروغان تستاهل إعدام لو فارگتة العين ماتگدر تنام
اسود سواد الليل بس گلبة ابيض أدري الطماطة تفيد بس إنتة افرض
لو وجبة ما الگاك صدّكني أمرض من كثر اللي بيك سوّيتة معرض
زاير بيوت الناس والبيت بيتة لو بيدي ياهالناس ماكشّريتة
لو تحجي ياهالناس هالمعدة گالت جيبولي بيتنجان الفرگة طالت
گطّعتْ ورد البيت وزرعتك إنتة حيّرني اللغز إلبيك ومافهمتة
دار الزمان ودار وبقيت إنتة والباقي ياهالناس خلّوهة سكتة
گلبك صخر جلمود يالگشّريتة موچنت تبچي دموع مِن فارگيتة؟
لو يصعد الدولار هم هذا أزود حسبالك البترول، الذهب الاسود
شگد حاول العدوان يفرض حصارة مايدري وحش الليل سوّالة جارة
يالدزّك الرحمان للناس رحمة أتخيّلك بالليل بالطاوة لحمة
بگد ما بليت الناس من الله يبلاك إبتعد عنّي روح، ارجوك يا black
ما اظن اني بيوم اگدر اعوفك لوما كتلْني الجوع ماجنت اشوفك
العظم اسود صار وحتى الخلية من سمع بيتنجان بالصيدليّة
يوميّة ناخذdose ، شو صار إدمان؟ إتعوّدت عليه وهسّة اني ندمان
القرحة بالامعاء والمعدةulcer وماي العمى بالعين والگلب cancer
وكافي بعد ياناس، مااگدر أحچي لو شفت بيتنجان هاليوم أبچي
أسود سواد الليل والزلف أخضر واللمعة چن روغان والريحة عنبّر
غلطان اذا ظنّيت بالشتا ننساك رسمك ثبت بالعين والطاوة ويّاك
بالحمس بالتركيب بالمرگة شفناك موّتِت كل الناس من بعد فرگاك
چذاب كل من گال متفيد، مغثوث يمنشّط المصران يمصبّغ ال tooth
بالدهن من غطّيت نشّفتة كلّة سعر الدهن ياناس سوّالي علّة
يروح السمج والبيض واللحم فدوة لعيون بيتنجان بس هوّة يسوة
أسود بعين الناس بعيوني تبني واحد من اهل البيت حِسبتك إبني
هم طرشي هم تگلاه هم شيخ محشي مثل الذهب يا ناس بالسوك يمشي
يالتحچي عالروغان تستاهل إعدام لو فارگتة العين ماتگدر تنام
اسود سواد الليل بس گلبة ابيض أدري الطماطة تفيد بس إنتة افرض
لو وجبة ما الگاك صدّكني أمرض من كثر اللي بيك سوّيتة معرض
زاير بيوت الناس والبيت بيتة لو بيدي ياهالناس ماكشّريتة
لو تحجي ياهالناس هالمعدة گالت جيبولي بيتنجان الفرگة طالت
گطّعتْ ورد البيت وزرعتك إنتة حيّرني اللغز إلبيك ومافهمتة
دار الزمان ودار وبقيت إنتة والباقي ياهالناس خلّوهة سكتة
گلبك صخر جلمود يالگشّريتة موچنت تبچي دموع مِن فارگيتة؟
لو يصعد الدولار هم هذا أزود حسبالك البترول، الذهب الاسود
شگد حاول العدوان يفرض حصارة مايدري وحش الليل سوّالة جارة
يالدزّك الرحمان للناس رحمة أتخيّلك بالليل بالطاوة لحمة
بگد ما بليت الناس من الله يبلاك إبتعد عنّي روح، ارجوك يا black
ما اظن اني بيوم اگدر اعوفك لوما كتلْني الجوع ماجنت اشوفك
العظم اسود صار وحتى الخلية من سمع بيتنجان بالصيدليّة
يوميّة ناخذdose ، شو صار إدمان؟ إتعوّدت عليه وهسّة اني ندمان
القرحة بالامعاء والمعدةulcer وماي العمى بالعين والگلب cancer
وكافي بعد ياناس، مااگدر أحچي لو شفت بيتنجان هاليوم أبچي