حسرة

[طيف الدليمي]

ظلت بنفسي اشوف
روحي بالعراق واني حر


حتى لو اشوفهة بالحلم
لو مرة بالعمر


اشو انولدنة بحرب وبعدهة
حصار وهسة انعاد الأمر


وانترس كلبي حزن وعذاب
ووحدة واكتئاب وقهر


وانمسح معنى الفرح بدنيتي
واتحول كلبي حجر


وكام ميحس لا بهوى الدنيا ولا
بهوى العشاك وصار يحرك مثل الجمر


وكام يسمع حجي الغرب واذا كالولة
شي اجاوبهم تأمرون امر


بجت عيوني على كلب جان
جزء مني بس هسة انتحر


لأن من صاح جسمي عراق انفصل كلبي
من جسمي ووكع للكاع وانفطر


وما حزنت على كلب باع وطنة
واني الي عشت ويا عمر


هذا عراقي ويبقى عراقي
وعيني فدوة الة سهر


اني عشت بيك واحبك وابقى
احبك على الحلوة والمر


ولو تصير الدنيا كلهة ضدك
ابقى وياك يا احلى السمر


والبصرة موجودة وموصل تشهد
وبغداد الك يا حبيبي تنتظر


تنتظر تصفي كلبك انت لأن
شعبك صافي مثل مي المطر


تشوف السني والشيعي والكردي
ايد وحدة وابد ما تنكسر


واذا واحد منهم صاح يصيحون
الاثنين ويا اصحى يا بشر


انت عراقي وما يهمك الألم
لأنك درع الية وافتخر

[•كہاتہم الاـح°زانہ•]

عاشت ايدك ع ابوذيات
دومك مبدع يا مبدع
فــ ــي انتظار القادم

تحياتي الك
ئاسان

[عراقية كوول]

احساس رائع وحروف غنية بالمعاني التي تفيض الوجدان
لكلمات هذا القصيده اوقعت في نفسي اشد من السحر
سلمت اناملك الذهبية دمت مبدع

[طيف الدليمي]

**((&&--- شـكـراً جـزيـلاً عـلـى الـمـرور الـجـمـيـل ---&&))**
**((&&--- گل حبي واحترامي الى من يضف رد لي ---&&))**