الشعب والوطن

[طيف الدليمي]

شعب ووطن
الماشــــــــــــــــــاف هذا الزمن ـ هنياله والف هنيــــــــــالــــــــه
عشنا همــــــــــــــــوم ومحـــن - وحاله أمّر من حــــــــــالــــــــه
والله عجبة صاحين مــا ننجـن - وضيمنا حير الضيم باشكالـــــــه
مأساة الجرت علينه وعالوطــن - ما شافها اي وطن باجيالـــــــــه
الدم ينزف ودموع يجـــــــــرن - وجذب نلكه المرتاح بالــــــــــــه
نـاس انباك منها الامــــــــــــن - والباكَه انشاف من شالــــــــــــه
الجيران باكَو أمن الوطـــــــن - وجندو البايع ذمته الحثالــــــــــه
تفجير وتخريب وطعــــــــــــن - قتلو بالوطن حتى اطفالــــــــــه
عدونه طينته حقد وجبــــــــن - ورمز الخبث والجرم وجهالـــــه
ليش هذا الحقد الارعـــــــــــن - لأن حبنا للنبي وآلـــــــــــــــــه
والدول المتنافرة علينه اتفقـــن - بلدنايصير امنه استحالــــــــــــه
خربو النظام والقانون والسـنن - بالفوضى يدوخ البشر باعمالــــه
دعمو احزاب هدفهن يهدمــــن - تطور هذا البلد وآمالــــــــــــــه
وفضائيات الدول شكثر جذبـن - ومدحن ارهاب النذل وافعالـــــه
رادونه نكَول الطاغية أحســن - من اشراف البلد ورجالـــــــــــه
رفض الطاغية بدمنه أنعجــن - ورفضنه حزب الظلم وضلالــــه
وكَلنه للحرية بصوت اهلــــــن - وعاش الوطن للحبه وابطالــــه