اوكف يازمن

[طيف الدليمي]

اوكف يا زمن عدنه عتاب وياك
تعال وشوف جرحك بيش ملچوم

خليت المصيبة بگلب كل انسان
ويابيت التطبله تشوفه مهموم


عاشرنه الحزن من چنه بالكاروك
ولحد ما كبرنه ويانه مظموم

البشر بالعيد تفرح تلبس اشكال
واحنه من الدمع فصلنه الهدوم

العيد إنذِبَح والضحِك دمه يسيل
ومجهول الهوية الفرح هاليوم

تعودنه بعد عالقهر والحسرات
وتعلمنه الحزن مو خوش تعلوم

نعيش بنص وحوش وناس تاكل ناس
وضمير اكثر العالم صار معدوم

صار الضحك سلعة وتشتريها الناس
وثمن كل ابتسامة بكاس مسموم

[red rose]

وااااااااااااااااااااااو
عاشت الانامل
الراقية لما تخط
لنا من تألق

[دمعة ألم]

عاشت ايدك
ابداع وتميز وتألق
تحياتي الك
تقبل مروري

[طيف الدليمي]

**((&&--- شـكـراً جـزيـلاً عـلـى الـمـرور الـجـمـيـل ---&&))**

**((&&--- گل حبي واحترامي الى من يضف رد لي ---&&))**