وجعي الذي ينزف

[nosnos]

تهجرني ليش وانه احبك موت
وانه كلبي واكف ابابك امجدي
ماشفت منك بس الالم والاه
وانه الدمع بعدك يحفر بخدي
تدوس اعله الكلب وانه الك ممنون
لان انت الروح عندي واغله ما عندي
وجنت اظنك نفس تصعد ويه الروح
وانت وياي جنت اتكابر وحدي
والم جرحك اكظمه ويه الانفاس
والك روحي عشك تنزف اتبدي




الك كلبي يغالي سلميته
والي ما يوم كلبك سلميته
عنب كلبي صفه سله ميته
ويظل عاشك حياتك للمنيه




وانهار الكلب من شافك اتخون
تخون الحبه سامي وسلمك عمره
وبعت الروح لاجلك واشتريت احزان
وماردت بعيونك تتوسد الحسره
جنت اظنك حضن وبيه اذب الحيل
وتمسح دمعتي واتذوب العبره
بس ماجنت اظنك بهل دنائه تكون
تحرك وركة كليبي وتحرك العشره
اطلع بره كلبي وانتهى الموضوع
ومرة وكع كلبي ومايوكع المره




خلص حبنه يخاين وانتهينه
واهين المضه بيدي وانتهينه
انتهى كلشي الجمعنه وانتهينه
واخيط جروح دكاتك عليه

[دمعة ألم]

ابداع تميز ورقي في الاسلوب
تحياتي الج
يامبدعة

[عراقية كوول]

غـآليتي ..

nosnos ..}~

كيف لي ان اصف روعة ما تنثرينه من كلمآت ..

و أي مديح ٍ يفيك ِ حقك ِ..

طرحك دائما يروق لي ..

حقا ً انت ِ مبدع ــه ..

و كنت ِ ومازلت ِ تتوجين رأسك بتـــآج

الرقي و التميز ..


أدآمك ِ الرحمن لنــآ غاليتــــي

و من جديدك لآ تحرمينـــآ

فنـ ح ــن دومــآ نشتــآقك ِ

تشاركك الـ ح ـروووووووف ..
تحياتي

[nosnos]

يدللو عيني عراقية كول
خجلتيني بكلماتج
الرائعة مثلج يا وردة
تحياتي الج
يا وردة

[Mr.Sheevo]

تسلمين يا ورده على الموضوع الحلو
ننتظر جديدج
تحياتي