متاني فرحه

[طيف الدليمي]

متاني فرحه
وما اجت.... مرت سنين
يمكن الفرحه علي زعلانه
وانه اسدد بيدي شباج الدموع
يكوم حزني ايفتح ابيبانه
حزني ربيته طفل
وبروحي نام
ياكل بكلبي ويمص شريانه
انت هم شايف بشر مدمن هموم
يدلل همومه
ويحب احزانه
طره
كتبه
ويالحزن العبهه دوم
منين ما اذبهه
انجفت حزنانه
عمله والوجهين واحد
من تطيح
تكول بالغالي ومشوا
دفانه
من يمرني ا شتاي
واتغطه ارد انام
بحضني تغفه
همومي هم بردانه
ازرع الفرحه بدمعتي
ومن تصير
تخضر الفرحه لجن
ذبلانه
اخوان صرنه
انه
والهم
والدموع
والليالي السود
هم ويانه
ومن ردت فرحه تمر باخر زمان
صيحوا
طالب يبيع اخوانه

[nosnos]

سلمت الانامل
ودمت مبدع
تحياتي

[طيف الدليمي]

**((&&--- شـكـراً جـزيـلاً عـلـى الـمـرور الـجـمـيـل ---&&))**

**((&&--- گل حبي واحترامي الى من يضف رد لي ---&&))**