شراية طمع...

[طيف الدليمي]

يشك زيجه الصبر لوردت اسولف بيك

واتحده الحجر لومابجالك

اون ونه اعله طولك بيه كومه اونين

اخافن تنكسر لووني اجالك

احنه اعيالك احنه اوانته يابو البيت

من دون البشر يرثينا حالك

باعونه شلع رادونه بيك انبيع

والباع ابضميره القسمك باعك

ماراعك اضن اولاعرف معناك

وانت اول وطن بيك الله راعك

شراية طمع بترابك ايسوموك

يعرفونك كريم اوتوهب ابكاعك

ايتامك بقت متلحفين اسماك

وتبات اعله حسرة خبزه جواعك

عطاله ابوطن بس المصايب بيه

وتلولح علينه ابكسرة اشراعك

ماجنك مهد كل انبياء الله

ولاجنه اعله بختك كنه اتباعك

ولا لاحك بخت من طينت الكرار

ابوترابك علي اومن تربته اطباعك

منع خلو علينه ابخيرك ايمنعون

والعباس هو الشال مناعك

اسد حيدر اهو العباس كافل بيك

واشباه البشر ماتعبر اسباعك

اجينالك نحلفك بالمظه اوبالجاي

بسك لاتظيع اليوم من طاعك

تحياتي لكم..

[دمعة ألم]

روووووعة عاشت الايادي
تحياتي

[طيف الدليمي]

**((&&--- شـكـراً جـزيـلاً عـلـى الـمـرور الـجـمـيـل ---&&))**
**((&&--- گل حبي واحترامي الى من يضف رد لي ---&&))**

[مـوتـي ولا مـوـت أحسـاسـي]

يسلمووو عيوووني.

[sυρєянυмαη]

يسلموووووووو
تحياتي

[طيف الدليمي]

شششششششششكراً جزيلاً على المرور
تحياتي الكم

[INIESTA]

يسلموووووووووووووووووووووووو

[ورد البنفسج]

روعــــــــــــــ يسلمووو ـــــــــــــــــــــــــه
عاشت الايادي
دوم الابداع
تحياتي

[اميرة الاحساس]

يسلمو ورده على الموضوع