قصيدة حلوة للعراق

[طيف الدليمي]

مثلك مالكينه وما أظن نلكه

عراق وبيك هذه الروح متعلكه

شبكني العشك بمحبتك وهنياله اليعيش بروح متشبكه

عراق وياوطن مثلك حمل الام وتحده المنايه ومانكر عشكه

تحزم بالامل ماطاح من الضيم مدطوله على جرحه وجلب بعركه

الاصيل شما تعب حيله يرد أردود وشلون الكديش بلحكه ويسبكه

اذا انكلبت الدنيا وما بقت كيعان بس انته التظل ياعراقنه وتبقه

ويظل وجهك شمس تغزل ضواهه اشعار وبنص السما بكل حين متعلكه

ويظل صوتك ضمير لكل الشعب مظلوم مابكدر عليه الطاغي ويخنكه

احبك واليحب همه وعذابه ايزيد لوطالت عليه وزادت الفركه

جرحك بالقلب ما طاب من سنين والليالي البعد عن دجله اتغمكه

يابحر الموده قلبي بيك ايفوج اتوسل ابروجك بلكت ايغركه

هنياله اليموت بارضك وربحان لان ارضك حنينه بكل وفه اتشبكه

[nosnos]

الله ابدعت
سلمت اناملك
تحياتي

[TheDarkAngel]

قرت عين العراق لان لديه هكذا ابطال يكتبون له الكلمات الجميله

[طيف الدليمي]

**((&&--- شـكـراً جـزيـلاً عـلـى الـمـرور الـجـمـيـل ---&&))**

**((&&--- گل حبي واحترامي الى من يضف رد لي ---&&))**

[دمعة ألم]

عاشت ايدك روووووووووووعة
ننتظر المزيد من الابداع المتميز
تحياتي

[طيف الدليمي]

**((&&--- شـكـراً جـزيـلاً عـلـى الـمـرور الـجـمـيـل ---&&))**
**((&&--- گل حبي واحترامي الى من يضف رد لي ---&&))**