الى مغرور

[طيف الدليمي]

http://img341.imageshack.us/img341/9052/62da2.gif

مريت ويه النهر شفت الوطن يبچي
يتناشـك خطيه ونـازله ادمـوعه




عطـشان كلش وحسيت هم جوعان
من كثر ما جوعان تضحك اضلوعه




ونخل يمه شفت بس بـلاي عثـوك
وشفـت هم بالنهر طايـفه اجذوعه




بـگصته شفـت مرسومه ثلث الوان
وصحراء الطغت مـا لاحـت اربوعه




ثوب امي الاسود هـم ويـه الـرسوم
ودم اخوي احمد التـگـطعت اكسوعه




شرگة بعـيونه وجـن شمـس تموز
وشفـت الله اكبر ابعـيـنه مطبوعه




والنجمات000 اويلي اعلى هالنجمات
چـانن كواكب بس ما شفـت نجـمه




وچــان من يتنـفس تهبهب انسام
شو تهبهب نـار مـن يهـب نسـمه؟




من عـراقـه00چـان اسمه ماخوذ
عرى قـه000 لهذا انســبوا اسمه




يعني انـراق دمـه وهـو عـريـان
شـوهيـچ الناس صـارت اتـفهمه؟




الجاني بزود يمشـى بـراس مرفوع
وبرگــبة المجـني انـذبت التـهمه

[دمعة ألم]

الله الله
عاشت اناملك على ما خطت
تحياتي الك
يامبدع

[طيف الدليمي]

**((&&--- شـكـراً جـزيـلاً عـلـى الـمـرور الـجـمـيـل ---&&))**

**((&&--- گل حبي واحترامي الى من يضف رد لي ---&&))**

[nosnos]

سلمت اناملك
ابدعت
تحياتي الك

[طيف الدليمي]

**((&&--- شـكـراً جـزيـلاً عـلـى الـمـرور الـجـمـيـل ---&&))**

**((&&--- گل حبي واحترامي الى من يضف رد لي ---&&))**