أســــولـــف ويـــ صـــوركـــم

[حمكي]

أسولف وي صوركم لمن أشتاك ..



وأتخيل وأگول وياي يحجون ..


وأرد بهمس أحجي أوية ألحياطين ..


يمته إمن ألصور كلهم يطلعون ..


أنة أشتاگيت بس ألشوك وألله ..


شوك خدود تنطر دمع ألعيون ..


عشت وألمن أعيش بدنيتي هاي ..


وآني بگبر فركة نفس مدفون ..


إعلة درب أذني ولا مريتو فد يوم ..


وأذني متانية وتسأل بالجفون ..


محد شافهم محد سمع صوت ..


بلكي بطيف عاشك صدفة يلفون .
.
إذبلت مثل ألورد بس ألوضع جان
..
مثل آخر جگارة وبيد مجنون ..


ألتهيت إبكلشي ناسي أيامكم ذيج ..


وأگل للناس عيب أنساهم إشلون ..


كتبت ألكم قصيدة لخاطر ألناس ..


خاطر بلكي من أحجيهة يبجون ..


أگلكم جذبت وألجذب مكروه ..


ألجذب محبوب بس عند أليجذبون ..


أسولف وي صوركم لمن أشتاك ..


وأصفن وأنتظر يا لحظة تحجون

أنشالله يعجبكم
تحي تي

[ملاك الحب]

كلماااااااااات رووووووعه:a (78):

عاااشت ايييدك ورده كولششش حلووووووو

لتحرمنا من جديدك يامبدع

[دمعة ألم]

روووووووووووووووووعة
عاشت اناملك على ماخطت من ابداع وتميز
واسلوب جميل
واحساس مرهف
تحياتي الك وردة
تقبل مروري البسيط

[الوردة البيضاء]

شلون متعجبنا هيج كلمات رووووووعه تحياتي الك

[حمكي]

تدللون حبايب
منورين
تحياتي الكم

[nosnos]

سلمت اناملك
ابدعت
تحياتي

[HamaDa]

تسلم صديقي
موضوع راائع
عاشت ايدك ياورد
تحيااتي

[حمكي]

منورين حبايب
شكرا علىالمرور الحلووو
تحياتي