اجمل مجموعه من الزهيريات

[nosnos]

والعضيم الذي لو يولد ولم يلد
عصاة وكتي بدت تجلد بضهري يلد
انه الجنت بالشدايد مأهاب ويلد
ماجنت اضن ازغير عندك اصيرا وهن
جيه شفت حيلي ركد والجسم مني وهن
مريت وتشمتت ياصاح بيه وهن
مرن وماسلمن ماحطن ايد ويالد





من مال بية الوكت ضعن الموده سره
و الجان الي بي رجه بكليبي فرغ سره
مفضوح ضل الكلب للناس سولف سره
جيه دنيتي بلردة وياي ذبت عمل
مسكين ضل الكلب عليه شجنة و شعمل
الناس كله مشت كلمن لكالة عمل
بس اني لمن رحت كلولي الزم سره





ميزتك كلش ترف وشفاك حامض حلو
حطيت رسمك لغز وكلتلهم اني حلو
حليتة وتعذروا صفكولي كالوا حلو
كالولي نقطة ضعف عندك كلت نقطة
تذبل لون الجفن ذب عالوجن نقطة
واسمك بثلث نقط واسمي بلا نقطة
اجمل شخص بالارض انتة واكولن حلو





بغداد يامنبعي صدكيني انت الاصل
وفجرية لأجلج انة يومية اكعد وأصل
بوش النذل من اجة ولمن بجيشة وصل
واعدنة بالاعمار وباك النفط وانهزم
لولة الخيانة امس جان انخذل وانهزم
منصير واحد اذن ولجيشه احنة نهزم
ونحرر احنة الوطن لو حتة نتكطع وصل







اياك تشمر حجر گلب المحب ترجمة
خلص سنينه بقهر وبياذنب ترجمة
كثير عندي قصص بالحب يخي ترجمة
خاف احجي بيهن انة ويضيگ بية النفس
طبع المحب من يحب يبذل بغالي النفس
مو ذنبي ذنب الوكت ادرس بعلم النفس
والاشد منه وامر حبيت بالترجمة





ضليت انوح بحزن مهموم انعي وأرد
على هالغوالي الكبل جانولي مثل الورد
اغرف اغرف يكلبي من بحور المرار وأرد
ليما يسلك انين بجاك والاف افة
ما اطلبت ضعنهم حيفاً علية وأفة
يا دار اهلنة جذب لولج معاهم وفة
ماجان بيجي نبت عكب الغوالي ورد

[دمعة ألم]

يسلمو وردة
عاشت الايادي
تحياتي الج
تقبلي مروري البسيط

[حمكي]

يسلمووووووووو
دوم الابداع
نتظر كلشي حلوو ومميز
تحياتي

[L•َِOَِ•Y•َِUَِ•S]

دمت بابداع ورده

[MR_CoOL]

غاليتي..

حروفك استقرت بين اضلعي..
و غدت مسكا يعطر الانفاس..
تقبليني بين حروفك..
نسمه تداعب رقه احساسك..
كوني دوما بخير..
لــــ نكون..

ودي...::

[nosnos]

ولو يدللو هذا بس من ذوقكم
نورتوني
تحياتي الكم