sυρєянυмαη
2009-12-19, 04:24 PM
تكدر تدك الباب
الباب لوح الخشب
مصبوغ ومدردغ وملون وجذاب
بس مايرد الباب
ولوما اسمعك تدك
ماينفتح لك باب
بابك منقط شذر مرسومة بي نجمات
بالأزرك اسمك تحت مكتوب بالدمعات
وتحت التحت رزته مديوفه باللذات
بابك مناطر فرح موعود بالغياب
حاميك جف الحسد مرسوم فوك الباب
بابك مزهر ورد طالع ندى بعتبته
وببابي نابت عطش من عروته لزرته
بابك يجيب الفرح وبابي يجيب الريح
بابك دفو بالشته وبالصيف
جرة مي
بساط العصر بابك ومغطى بالفي
متروس بابي سهر وبابك ينام العصر
بابك منمن خرز ومطرز وغافي
بارد هوى عتبتي وبابك ندي ودافي
بابك مراية عرس تتمرى بيه الناس
مديوف بالحنه ومعرش بياس
بي اية الكرسي والحمدو والخناس
دكات بابك غير
وبابي اله دكات
بابي تدكة الريح وبابك تدكه الناس
بابك زغير وحلو ومقفول ومنده
يسمح بمي الورد بالفتحة والسدة
ناطرت بابك عمر شو طالت المدة ؟
بابي
مشرع دوم ومحد يجي يرده
بابك جناح وهوى يودي ويجيب احباب
وبابي مبسمر صبر يتنظر الغياب
مليان بابك حجي ومليان بابي عتاب
لشاعر جمعة الحلفي
تحياتي
الباب لوح الخشب
مصبوغ ومدردغ وملون وجذاب
بس مايرد الباب
ولوما اسمعك تدك
ماينفتح لك باب
بابك منقط شذر مرسومة بي نجمات
بالأزرك اسمك تحت مكتوب بالدمعات
وتحت التحت رزته مديوفه باللذات
بابك مناطر فرح موعود بالغياب
حاميك جف الحسد مرسوم فوك الباب
بابك مزهر ورد طالع ندى بعتبته
وببابي نابت عطش من عروته لزرته
بابك يجيب الفرح وبابي يجيب الريح
بابك دفو بالشته وبالصيف
جرة مي
بساط العصر بابك ومغطى بالفي
متروس بابي سهر وبابك ينام العصر
بابك منمن خرز ومطرز وغافي
بارد هوى عتبتي وبابك ندي ودافي
بابك مراية عرس تتمرى بيه الناس
مديوف بالحنه ومعرش بياس
بي اية الكرسي والحمدو والخناس
دكات بابك غير
وبابي اله دكات
بابي تدكة الريح وبابك تدكه الناس
بابك زغير وحلو ومقفول ومنده
يسمح بمي الورد بالفتحة والسدة
ناطرت بابك عمر شو طالت المدة ؟
بابي
مشرع دوم ومحد يجي يرده
بابك جناح وهوى يودي ويجيب احباب
وبابي مبسمر صبر يتنظر الغياب
مليان بابك حجي ومليان بابي عتاب
لشاعر جمعة الحلفي
تحياتي