عين بـ عين

[nosnos]

راح افك قفل الحجي والغي السكوت
ونحط عين بعين نتحاجه كشف
راح وكت المستحه ووكت السكوت
كبل اسكت عالطعن هسه اختلف
كبل تشكي عيونك وتبجي وتنوح
هسه وكحة اعيونك انته شكد صلف
وامس من جرحك نزف صرت انه خيط
يعني ماتعرفني بس وكت النزف
درع وكت المعركة انحط عالصدور
تخلص المعركة اعلة الكاع انتلف
بخنجرك تطعن وتحلف ماتعيد
وخلص عمري وياك طعنات وحلف
ضيعت عمري بمحبتك وابتليت
جان مفروض بمحبتك احترس

[حمكي]

عاشت الايادي
كلمات جميله
تحياتي الج ورده

[nosnos]

يدللو وردة انتة منور وربي

[HamaDa]

عاشت الايادي عيوني
رائع جداً
تقبلي مروري البسيط
تحيتي

[nosnos]

يدللو محمد تزداد قصائدي بيك نور ورقي
تحياتي الك

[عراقية كوول]

الله الله عليج
كلمات روعه
وحروف اروع
ومع ذالك نسنوس اروع
تحياتي

[برنس بغداد]

عاشت ايدج ورده ..
كلام رووعه ..
تحياااتي ..

[بنفسج]

ضيعت عمري بمحبتك وابتليت
جان مفروض بمحبتك احترس
عاشت الايادي
كلام روعه

[nosnos]

يدللو انتو الرائعين حبايب بطلتكم الحلوة
والرائعة مثل شخصكم الراقي
تحياتي الكم