حوار بين عراقي ولفة فلافل

[مـوتـي ولا مـوـت أحسـاسـي]

هذا حوار بين عراقي ولفة فلافل ...

اشتره مواطن عراقي لفة فلافل وفتح حلكه يريد ياكلها

لفة الفلافل (داتصيح): أنتظر، الله يخليك لا تاكلني مو احنه اخوة

المواطن (مستغرب): شنو عيني شنو ؟ شلون عيني أخوة ؟

لفة الفلافل: طبعاً ، شوفنا اثنينا ، اني أتكله يوميه بالنار والحر، وأنت همين تكضي يومك متكلي بالشغل والحر وبالشمس الحاره وفوكاها الكهرباء طافيه.

المواطن: كافي عيني... أنا جوعان واليوم الا آكلج فلا تعبين نفسج تقنعيني بشغلات فارغة.

لفة الفلافل: أنت أخويه وأني مصممه على هذا الشي ، ملاحظت أنه سعرنا احنا الاثنين رخيص في بلدنا، ونصير أكبر قيمة في بلاد الأجنبي.

المواطن: يجوز عندج حق بس هذا مو سبب كافي تقنعيني بيه بانه احنا اخوة . خوش حبابه..

لفة الفلافل: زين شوف جسمنا ثنينه ضعاف وطوال ولونه أصفر، وماكو بداخلنا غير جم فلفلايه وشوية زلاطة وعنبه ..

المواطن: والله هسه يله اقتنعت ، صدك عندج حق يا اختي بس فاتج شيء مهم كلش ..

لفة الفلافل: وشنو هذا الشيء المهم كلش ؟؟

المواطن: يعني ما تدرين يا عزيزتي أنه احنا العرب يأكل واحد باللاخ يعني الاخ ياكل اخوه .. فما بيها شي اذا اني آكلج ..

لفة الفلافل (خايفه): لا..الله يخليك لالالالالاااااااا..

وبلكمتين مبقى اي أثر للفة الفلافل ..... خطية
اعلان راح نسوي حداد 3 ايام على اللفة خطية.

[دمعة ألم]

ههههههههههههههههههههههههههههههههههههه
الله يرحمة
يسلمو وردة

[مـوتـي ولا مـوـت أحسـاسـي]

يدللووو خيتووو
منوووره.

[sυρєянυмαη]

هههههههههههههههه
يسلموووووو
تحياتي

[مـوتـي ولا مـوـت أحسـاسـي]

يدللووو عيوووني.

[ساروو]

هههههههههههههههههههههههههههههههههههههههههههههههههه ههههههههههههه
عااشت ايدج حب ع التحشيش الحلو
تقبلي مروري

[مـوتـي ولا مـوـت أحسـاسـي]

ايدج العايشه حياتووو
منوووره.

[ميما الحلوه]

هههههههههههههههههههه الله يرحمة خطية
يسلموو عيوني
تحياتي

[مـوتـي ولا مـوـت أحسـاسـي]

يدللووو وردة.