قنبله كروب سوريا ........ يفوتك وربي

[L•َِOَِ•Y•َِUَِ•S]

السلام عليكم ورحمه الله وبركاته
اخوااااااااني اخواااااتي
شباااااب صبايااااا
اعضاء مشرفين رؤساء اقسام اداريين ............ لح بعد لح


اجاني شعر شعبي بس شنو من شعر
يبووووووووووووووووووووووووووووووووو
وما موجود باي منتدى ولا اي مكان
شعر شعبي رهيب للشااااعر حازم جابر
يعني اتمنه مو بس تقرون الشعر
وانما تحملون الشعر بصوته لان فد شي كللللللش حلو
ما اريد اطول عليكم .........كل الي اريد اكوله هذه الشعر روعه بحق الكلمه وما موجود باي مكان يعني حصري
اخليكم ويه الشعر





القصيده الرائعه للشاعر حازم جابر *طبع بينه*
*****
يلعيونك سمه وطول الحواجب ليل
ضمني بسمه عيونك اسهرواغفه
ويا ضي الوجه يالماطفيت بيوم
صدكني الكمر من يشتعل يطفه
ويا قوس القزح كل ساعه اشوفك لون
ويمر مرات لونك بيه ما عرفه
تحل ليل الشعر حد مايلوح الكاع
وتعظ الزلوف بدورة الشفه
طبع بينه الجرح ندعيله حتى يطيب
الك بيه جرح ادعيله مايشفه
وتسالني شعجب ماوصفيتك يوم
وانه الحايربظلك لسه مموصفه
يبو صوت اليغرد ياسحر فيروز
لك اجمل لحن بشفافك تعزفه
تمر مثل النهر والخطوه روجة ماي
واظل لنه اعله جرفك حاصد الوسفه
ويالخصرك مدور كمر عالي بعيد
مد ايده الكلب مالاحك بجفه
ويكولون التمر ينضرب بيه امثال
اشو جبت التبرزل صارلك حشفه
من عينك نده ينزل وشوفه يطيح
يلتم بورود جفوفك الترفه
تلتف اعله طولك كل نجوم الليل
ويجي ينام الكمر متوسدك صفه
واظم سرك عليه وما ابوحن بيه
واذا دمعك بعينك عيني لتذرفه
كل اصبع بجفك يضوي شمعه بليل
وكل خصلة شعر من كذلتك عفه
يا جمار عالي وما ظن تنلاح
لان عثكك هدل ماشالته السعفه
اذا بميزان انته وكل حواري العين
ماظنن لغيرك تنزل الكفه
احلى من العسل بالشفه من تنظاك
ومرح مثل النسيم ودمك شخفه
حدر زيجك نهر مضموم ما ينشاف
لان الله طبكها الضفه علضفه
يا اول نده ينكط شعر للروح
ويلمشذر محبه وضحكتك زفه
شمس الله واكبر نزلت اعله الكاع
اجت يمك حبيبي تريد تدفه


وارجو منكم تحملون الشعر بصوته لان فد شي خنفلاقي
والله يفوتكم
دوس هنا (http://www.2shared.com/file/3817427/fdbfe923/___.html) وحمـــــل


شكر خااااص لـ فراس كرسبي :1
ههههههههه
تحياتي
:23

[ماهر من الكرادة]

شكرا علئ هل الموضوع الحلو يسلمووووووووووووووووووووووو

[L•َِOَِ•Y•َِUَِ•S]

منورررررررررر ماهر

[مريومه العراقيه]

فعلا شعر روعاااااااااااااااااااااا
وكلمات رهيبه
عاشت الايادي
تقبل مروري المتواضع وتحياتي

[firas..crispy]

اخويه العزيز عاشت ايدك وموضوعك كلش حلو وللعلم اني فراس كرسبي هههههههههههههه تحياتي الكم 48:

[L•َِOَِ•Y•َِUَِ•S]

منوره عيناي مريومه .. وانشالله عجبج الشعر

ها فراس ادري شسويلك منو كلك سجل ياسم شيبوووو هع هع
منور حبي مضوعك :17

[™°ˆ*¤§X§¶DIesEL¶§X§¤*ˆ°™]

عاشت الايادي

[L•َِOَِ•Y•َِUَِ•S]

انته العايش حبي مدريدي
تحياتي الك

[نونه البزونه]

ذوووووووووووق كلمات خرافيه
عاشت ايدك

[L•َِOَِ•Y•َِUَِ•S]

منوره عيناااااااي
انتي العايشه ورده
يسلموووو عله مرورج الروعه
تحياتي