ياليل

[مـوتـي ولا مـوـت أحسـاسـي]

یمته تنگضي یا لیل یا لیل
وأیام السعاده الراحت تعود
لا ظلي صبر لا ظل بعد حیل
یتحمل عذاب او جور وصدود
من زغري حملت الضیم والویل
غریب او دمعتي تجري عل إخدود
ولا تنصح الدنیه او دومهه إتعیل
بیّه او عمري كله گظیته مچبود
تمر یا لیل کلك حزن وآهات
تلوعني او تخلي جفني سهران
وگولن بلکي تصحه الدنیه ساعات
ویاي او تفك للفرح بيبان
أثاري الدنيه وكحت عين بذات
او كلمن يآمن إلهه يعيش ندمان
تراويني الضحك وتجيب دمعات
او تراويني الفرح وتجيب الأحزان
وأظل أكتب عتابات او مواويل
وأغني جروح دلالي عله العود
أدگ یا باب کلهه إمقفله البوب
أظل أمشي بطریقي او أدري مسدود
علیل او لوني یشبه شمس الغروب
أصفر والعمر یا ناس معدود
وحید أگضي اللیالي بلایه محبوب
یسلیني او یداوي جروح متهود
هم هاذه عمر وعْليه محسوب
ونه من أوّل صباي أصبحت منكود
أصلّي وقره دعيات او تراتيل
وگولن بلکي أرد الدیرتي إردود
یمته تنگصي یا لیل یا لیل
وأیام السعاده الراحت تعود

[nosnos]

عاشت ايدج خيتو
تحياتي الج

[مـوتـي ولا مـوـت أحسـاسـي]

ايدج العايشه عيوووني منوووره.

[sυρєянυмαη]

يسلمووووو
تحياتي

[دمعة ألم]

عاشت الأيادي وردة دوم الأبداع تحياتي

[مـوتـي ولا مـوـت أحسـاسـي]

يسلمووو ع هالمرور الحلووو.