ضايج؟ تعال واحجي شكو بكلبك

[شمس الحب]

السلام عليكم
طبعا كثرت وترردت كلمة ضايج او ضايجه عند الشباب هالايام
ياترى ماسبب تردد هذه الكلمة؟ وهل اصبحت الحياة مملة الى هذا الحد؟
ام اننا اصبحنا لانطيق انفسنا؟
تعالو شباب ننقاش هذي المسألة وتحجون عن الاشياء الي تضوجكم او الضايجين منها
سواء بحياتكم الخاصة او بالمجتمع او بكل شي
انتظر مشاركاتكم ورود
تحياتي لكم
شمس الحب

[دمعة ألم]

موضوع كلش حلو
بس والله هي اشياء اصير بليوم الواحد اطلع روح الواحد
من العائليه ........ الخ
يعني حياتنه هي ملله وكئيبه
ونفس الروتين
هو سبب الضوجة
شكرا وردة على الطرح المميز
تحياتي

[شمس الحب]

شكرا حبيبتي على مرورج الحلو
حبيبتي احب اضيف انو مو بس الروتين الي يضوج
والروتين نكدر احنه نغيره ونغير حياتنه
وذلك بمحاولة الانشغال بأشياء مفيده
ولكن انا باعتقادي انه سبب الضوجه هو مثل منكول ماكو خلك وملل من كل شي
اضافة الى انو الشخص ميحاول يغير بحياته ويحاول يصلح نفسه
تحياتي الكم ورود

[sυρєянυмαη]

عاشت ايدج ورده ع الموضوع
واني برأيي الملل هو راس البله
والروتين يتغير مثل ما كلتي
بس شنسوي تعودنا نضوج
::57

[شمس الحب]

شكرا حبيبتي على مرورج
اوووووف الملل
تدرون اني النهار كله وحدي؟
والله مليت من الوحده

[MR_CoOL]

شكرا ورده ع الموضوع الحلو
والله يساعدج ع الوحده
وهيه ضوجه حته احنه الولد
ولو يجوز انتو تكولون احنه نطلع ونمشي ونسولف
بس هم نفس الضوجه
وملل
مثل مكلتي
وال يزيد الضوجه امور لا ع البال ولا ع الخاطر
وهواي اشياء
شكرا ورده مره لخ
تحياتي

[sυρєянυмαη]

حبي هو كتلج الملل
والانسان بسرعه يمل من شي (ميعجبه العجب)
والوحده اويلي ع الوحده
اصعب شي انو تحس بوحده بنص اهلك واصدقائك
بس ع كوله فلان
حبيتها ولا محبيتهاش
هي الدنيا ولازم تتعاش:sg (3):

[شمس الحب]

شكرا ورود على مروركم الحلو
اي هي الوحده والملل
بس مرات اكو شغلات مثل مكال خالد لا على البال ولا على الخاطر
تحياتي الكم ورود

[شمس الحب]

اليوم اني ضايجه ومااعرف شسوي
شنو براييكم الحل؟
يعني شلون اطلع نفسي من جو الكابه والملل
بصراحه ضجت من شخص مقرب ويايه بالبيت
وبجيت وعاتبته بس بعدني ضايجه من موقفه ويايه
واعدني وخلف وعده ويايه
والله ضايجه واحس راسي يريد ينفجر

[sυρєянυмαη]

ورده والله اني هم ضايجه
وخايفة من شي
حبيبتي اذا بينتيله موقفج ارتاحي
وانسي السالفة لان مثل مكلتي مقرب الج وبالبيت
ف برأيي انسي الي صار وابدي صفحة جديده
متعرفين شيصير بعدين

[شمس الحب]

شكرا حبيبتي على مشاركتج وردج الحلو
بس المشكله هو مو اول مرة هيج يسوي ويايه
كل مرة يزعلني صح هو راضاني بس اني بعدني ضايجه
هسه هو خطيه صخن من ورايه هع ونايم لان مااحجي وياه
انتي شبيج حبيبتي؟ من شنو خايفه؟

[دمعة ألم]

حبيبتي شموسه لظلين اتفكرين بلموضوع
ولهي نفسج بأي شي بحيث تنسين الي صار
والله يكون بعونج

[اسير الروح]

تسلمين ورده
الموضوع كلش حلو
اكثر شي يضوج
لمن تنكطع شبكه الموبايل
او من تدفع واجب بالفاتحه لو عرس
شكرا ورده

[شمس الحب]

هههههههههههههههههههههه لازم هواي مناسبات يمكم
والله اشو اريد مناسبه وحده حتى اطلع واصور بيها وافرح شويه ماكو اهئ اهئ
اووووف والله ماادري شكولج دموعه المشكله اني اذا ضجت ابقى النهار كوله افكر بالموضوع
بس للصبح انسى هع هع
شكرا الكم ورود على مروركم وردودكم الحلوة

[دمعة ألم]

اني والله جنت حيل خايفة على بنت اختي
والحمد الله صارت زينة
لديرين بال شموسة
ان شاء الله تنسين وتصالحون وصير سوالف

[شمس الحب]

حبيبتي هي راحت المشكله بس الضوجه بعدها
صرنه حبايب ورجعنه سمن على عسل بس اني مالي خلك اي شي
شكرا لمشاعرج الحلوة حبيبتي

[عراقيه حلوه]

شصاير والله اني روحي طاكه واريد احجي كل الي بكلبي وارتاح اهئ اهئ

[شمس الحب]

احجي حبيبتي واحنه نسمع ونحاول نساعدج
شنو بكلبج احجي ولتديرين بال
كلنه اخوة هنا واكيد اذا نكدر نساعدج مراح نقصر حبيبة كلبي

[عراقيه حلوه]

اريد احجي الي بكلبي للراشي ماتي بس كل
مااشوفه مادا اكدر احجي شسوي وروحي طاكه اهئ اهئ

[شمس الحب]

انتي لسه ماحجيتي وياه؟
شغلة ثانية انتي شدعوه هيج متعلقه بيه؟
وشغله ثالثه هو يحبج مثل ماانتي تحبيه؟
شغله رابعه ماكو شي يسوة تضوجين عليه حبيبتي
شغله خامسة اي شي واي وقت تحبين تحجين الي بكلبج اني موجوده حبيبتي

[عراقيه حلوه]

اني اريد اكله شنو بكلبي حتى اعرف
هوه يحبني مثل مااني احبه واذا ميحبني
الله ومحمد وعلى و يا بس خلي اعرف
والله عذبني وشلع كلبي شلع هاي اول
مره احب واخر مره توبه

[شمس الحب]

ههههههه حبيبتي متوبين مدام هيج مسلمة امرج بايده
ولا راح تكدرين تركيه اني اكولج حتى لو عرفتي هو ميحبج مثل متحبيه
مااكول غير الله يعينج

[HamaDa]

هههههههه
ويلييييييي عليج
كل احنه الرشيين فقرة
بس الراشي مالتج مو هين

[عراقيه حلوه]

الله يعيني اوف اوف منه

[عراقيه حلوه]

انت شخبارك محمد