هل تعتبر الزواج.......

[Master of Sadness]

هل تعتبر الزواج نظام فاشل

اني بالنسبة ليه
مو دائما الزواج يكون فاشل له اذا كان بين اثنين
واحد ميحب الثاني

مع تحياتي

[شمس الحب]

اولا شكرا على الموضوع الحلو
وثانيا اني من رأيي مو فاشل بالعكس
الزواج استقرار عاطفي ونفسي ومادي واجتماعي
ولكن هناك اسباب هي تفشل هذه الرابطه وتشوه معناها واستقرارها
من اهم هذه الاسباب هو عدم التفاهم
لاتقل لي الحب لان الحب ياتي من خلال العشره ولكن التفاهم اولا
يجب ان يكون تقارب بين الزوجين من ناحية السن والثقافة
اضافة الى انه هناك مشاكل قد تكون فسيولوجيه او اجتماعيه بحته
او قد تكون حتى نفسيه تتعلق باحد الزوجين
وفي وقتنا الحالي يعاني الناس تعب نفسي واجهاد عضلي وعصبي بسبب ظروف المعيشه الصعبه
وهذه احد اسباب نشوء المشاكل بين الطرفين
هذا رايي
وشكرا وتحياتي للجميع

[حمكي]

طبعا رأي شموسه كامل وكله صحيح
واني رأي من مثلها

تسلم ورد
نتضر كلشي منك حلو
تحياتي الك

[Master of Sadness]

بس مو دائما الحب
يجي من العشره هذا حسب رأيي

مع تحياتي

[شمس الحب]

بس الحب مو كل شي عيني
الحب مو اساس العلاقه الزوجيه صح مطلوب الحب بس مو هو الي يحدد فشل ونجاح العلاقه الزوجيه
اسال مجرب

[MR_CoOL]

شكرا ورده ع الموضوع
وكلام شمس صحيح
و اكو هواي تشوفه يتزوج بدون ما اكو بينهم علاقه قبل الزواج
وبعد الزواج تشوفهم واحد يحب الثاني وواحد ميكدر يتخله عن الثاني
والزواج مثل مكالت شمس استقرار من جميع النواحي
بس بعد ما واحد يكون نفسه من جميع النواحي
وتحياتي للجميع

[شمس الحب]

الحمدلله كلها موافقتني بالراي
حبيت اضيف كم نقطة بالموضوع
انو للاسف دخل الشك بسبب التطور الي دخلنه
الموبايل والستلايت والمسلسلات التركيه والنت
اعتقد كلها عوامل تجعل الرجل يشك وحتى المرأه وهذا من حقهم
وللاسف شبابنه الله يستر عليهم مثل المشايفين وخاصة مااريد اذكر احد بس الجنسين
الله يستر على امة محمد كلها بناتنه وولدنه
والله هاي الدنيا صايرة محلوة ومتتامن على نفسك بيها
خلت الشباب يضربون عن الزواج بسبب الي يشوفوه ويسمعوه عن تعدد العلاقات
تحياتي للجميع

[Master of Sadness]

واول واحد اني ماريد ازوج
هههههههه

مع تحياتي

[MR_CoOL]

اي والله صحيح شمس
هواي هواي كولش شغلات شوهت سمعت الزواج
ومثل مذكرتي اني الستلايت والموبايل
و مو بس هاي الاشياء
صارو عبالهم لعبه هاي الاشياء
والله يحفض امت محمد
امين

[اسير الروح]

شكرا عالموضوع الحلو
اني بصراحه اشوفه فاشل بالنسبه للشباب
لان يدخلك بسجن ومشاكل ما الها حل
وبالنسبه لعمر 30 مو فاشل لان بهذا العمر
يتحقق الاستقرار
شكرا ورده

[شمس الحب]

امين يارب العالمين
طلعت اني صاحبة الموضوع هع هع
والله اتمنى شبابنه ينبهون على تصرفاتهم
ويحطون ببالهم عاداتنه وتقاليدنه كعرب اولا وعراقيين قبل كل شي
احنه معروفين بالاصاله والشرف وكل الصفات الحلوة
الله يحفظنه ويحفظكم من كل مكروه
تحياتي الكم
شمس الحب

[MR_CoOL]

شكرا عالموضوع الحلو
اني بصراحه اشوفه فاشل بالنسبه للشباب
لان يدخلك بسجن ومشاكل ما الها حل
وبالنسبه لعمر 30 مو فاشل لان بهذا العمر
يتحقق الاستقرار
شكرا ورده


وين اكو شي اسمه فاشل

وبعدين شنو سجون شنو مفتهمت شنو يعني

[شمس الحب]

ليش تكول فاشل وتحكم على هاي الرابطه المقدسه بالفشل
لو فاشله جان ماشرعها الدين الاسلامي
بالعكس الزواج استقرار
بس المشكله بمجتمعنه هو الي شوه صفاء هاي العلاقه

[Master of Sadness]

لا هو موسجن
بس تحكم العلاقه بين الرجل و المراه
والمراه بيده تكدر سويه كلش حلو وتكدر
تخربه عليه وعلى الرجال

[MR_CoOL]

مثل مكلت
ماكو شي اسمه فاشل
لان هوه تكملت نصف الدين
يعني جان تحرم من قبل
واول مره اني اسمع كلمة فاشل
لان هوه اساس بناء المجتمع و العائله
وطولت اني بالموضوع
تحياتي

[شمس الحب]

ايييييي صحيح وربي
بهاي صدقت كله بايد المرأه
شوف شلون احنه حكومه هع هع
بس لتنسه دور الرجل
اكو رياجيل مينحملون لو مو تعلك العشرة شمع المرأه
تحياتي الكم

[Master of Sadness]

والله انتو الحكومه وابو الحكومه
بس تره احنه هم بينه فائده يعني مو كلشي ماكو

تحياتي الج

[اسير الروح]

ما اقصد الزواج فاشل من اساسه
بس بالنسبه الشباب يكونون ممستقرين
عاطفيا ولا ماديا والانسان لازم يتزوج حته
يكمل نص دينه
بس ميتحقق الزواج الا بالاستقرار
(وجعلنا من انفسكم ازواجا لتسكنو اليها)
بس اهم شي الاستقرار

[عراقيه حلوه]

اني لمن اجرب ازوج اجي اكول رأي ماشي
بس اعتقد الزواج استقرار
الله اعلم