ماريــدك بــعد وبيــا وجــه جــاي

[L•َِOَِ•Y•َِUَِ•S]

بعدهـه جروحـي خضـرة التـمسـك تـروح
لا تلـچمـها وتـذكر السچـاچـيـن
أچـذب العيـن اگـول جروحـي طيبـات
فرضنـا ايطيبـن اشـلـون النيـاشيــن ... ؟
جـاي اتحـط ملـح بحلـوگ الجـروح
مـا قصـّرت گـلّبت المـوازيــن
وشگَد انتضــرتك وإســئل اللــيل
مـن گـد السـّهر طفــّيت الثـنيـــن
وأفــرح مـن تجيــني ابطــيف چــذاب
فـرح فكــّة البــاب اعلــى المساجيـــن
مـو آنــة العشگـتك عشــگ الزغــار
عشــگ اطفــال معجـــون ابســواديـن
وبــَس ايمــر خيــالك ازحــف زحــوف
وبعدهــا آثــار شوگــي اعـلى الدرابيـــن
ليليــة اندعيــلك بلكــت اتعــــود
وأصلّيـــلك فــرض يـــم بــاب الحسيــن
وتذبــح بالعمــر وأهمسلـك بشـــوگ
عجــّل بالذبـــح خـــل أنـــزف سنيـــن
بساتيــني عطــاشى ورادتــك مــاي
وعفتــها ابلا سگــي وصبخـــة البساتيـــن
وسويــّت الگــلب لمحبـــّك بيــت
ليـــش استعجلــت هَـــدّ الحيــاطيــن
حــل وكــت العـــتب وانـــّوب الفــرآگ
همــزين ونسيـــتك وألــف همــزين
طلــّگت الخجــل وأرد أحـــچـي مكشـــوف
وبــعت المستحـــة ابكـــل الدكـــاكيــن
نشّــفت الدمـــع مــاضلــّن دمــوع
وأبـــچيلــك دمــع يمعـــوّد منيـــن
ماريــدك بــعد وبيــا وجــه جــاي
نشفـــت الدمــع وأرتاحــت العيـــن

[CoOoL G!rL]

تسلم وردة عالكلام الحلو
عاشت ايدك
تحياتي

[حمكي]

عاشت ايدك ورد
نتضر كلشي منك حلو
تقبل مروري
تحياتي الك

[L•َِOَِ•Y•َِUَِ•S]

انتي العايشه عيوني
من ذوقج هذه ورده

[nosnos]

طلــّگت الخجــل وأرد أحـــچـي مكشـــوف
وبــعت المستحـــة ابكـــل الدكـــاكيــن
نشّــفت الدمـــع مــاضلــّن دمــوع
وأبـــچيلــك دمــع يمعـــوّد منيـــن
ماريــدك بــعد وبيــا وجــه جــاي
نشفـــت الدمــع وأرتاحــت العيـــن



الله عاشت ايدك وردة
روعة
تحياتي الك

[sυρєянυмαη]

يسلمووووو
تحياتي

[L•َِOَِ•Y•َِUَِ•S]

يدللوو عيوني منورين