تسجيل الدخول

مشاهدة النسخة كاملة : من تراب مثلي نعم صباح الهلالي


nosnos
2010-04-28, 05:23 PM
صبــاح الهــلالــي




من تراب مثلي نعم
بس للجمال اسباب
رب الجمال اعتقد
سواك في محراب
بباب جنة عدن
تين و نخل و اعناب
بقالبك خله عسل
و شوية ذبلة تراب



بسواد العين يسمر منته رابي
شعجب قلبك تغير من ترى بيه
انه ما ظن ترابك من ترابي
حضنتك و العسل جلب بدية



من طين مثلي نعم
بس عود جنك طين
ذرات منك بقن
لمهن و سوة العين
عشرة بالمية نده
و يمكن ورد عشرين
و مد روحه نهر الخمر
كملك السبعين



سلالتكم نسب يوسف نسبها
الدنيه بغير نظراتك نسبها
الوادم مية بالمية نسبها
بس نسبة جمالك سبعمية



و سبحانه ما مقتنع
بالميه من مية
حط على روحك وفة
و عل قلب حنية
و انطاك واهس طفل
و خدود جورية
بس عافك بلا بخت
و تورطت بيه



و لولة البيك جي ما بيك لولة
و ملاك من السمه البالمهد لولة
بجمالك ما تجاوز بشر لولا
الخمر و يه العسل طبكن سوية
HamaDa
2010-04-28, 05:35 PM
كلمات جميله جدا
عاشت ايدج ياوردة
ننتضر جديدج المميز
تحياتي
nosnos
2010-04-28, 05:37 PM
يدللو وردة منور
تحياتي الك
L•َِOَِ•Y•َِUَِ•S
2010-04-28, 08:53 PM
بسواد العين يسمر منته رابي
شعجب قلبك تغير من ترى بيه
انه ما ظن ترابك من ترابي
حضنتك و العسل جلب بدية


ذوووووووووووووق
عاشت ايدج ورده
قصيده روعه
nosnos
2010-05-03, 05:27 PM
منور وردة هاي بس من ذوقك
تحياتي الك