صوتكـ

[L•َِOَِ•Y•َِUَِ•S]

صوتـك







صوتك ندهني او مو حلم





وفزيت من نومي





وگلت..



مو صدگ لايمكن صدگ!!



والروح وي صوتك مشت



وناديت



والخطوه ابعدت..



والصوت وي مشي الجدم



*من ينلحگ.. ما ينلحگ ..



وعالأثر نمشي اعله الأثر..



والشوگ سابگنه سبگ



والگلب لم روحه واجه..



ودگاته احسهه بلا وعي..



مو مثل يوميه يـــدگ !!



* * * *





ويم بابك وياحيرتي .... مدري اشندهني وجابني؟!!



وحتى نسيت اشلون



عالباب من ادگ؟!



* * * *



ظنيت ما اشوفك بعد



من شفت ضويات الدرب



يطفونهه شما تعتلگ



* * * *



ومن شفت شتلات الفرح.. مات الفرح



ومثلمه



والحزن صار اسنين ياكل بالعــــــــرگ



****



ورادوني مااشوفك ابد.. ضمو تصاويرك علي



واعلنو لازم نفـــترگ



* * * *





وشالوك حتى من الحلم!!



وحلمك يجيني بلا صور



وبـلا خلـــگ



****



ولمن افز.. يبجي الحلم..



واثنينه اعله الروس نتگابل ندگ



ورادوني مااشوفك ابد.. والعين مثل ام الولد..



وانته الولد



لمن اجت ..ماشافتك ..الجفن صار الزيج



گامت بيه تشگ



وياحال من بعدك عشت..غصن وخذوني من الشجر



وذبوني يم نار الهجر..



واليوم باجر احترگ!!



* * * *





وعشت بطرگ



روحي وسوادين العشگ



واسأل عليك وتيهت…واسأل منو ..



وبيمن اثق؟!!



* * * *



وانسدن بوجهي احس كل الطرق..



والگه الأسأله وكيفت



والگاهن الجلمات ويضيع الحلـگ



* * * *



وخلني اسولفلك بعد..ياواهسي وغيرك منو؟



والروح اجت مسودنه..



واشبگهه وي روحك شبگ



* * * *



لاتبچي اطيح ويه الدمع ..والروح اسويها نفس



ومناشغ اشهگني شهگ



* * * *

وبريتك يا ريتي ولمن اصيرلك نفس



لاخنگك ولا



اختنـــگ…!!

[♥ رووعَ ــهْ [بإِحْ ــسآسِيـﮱ♥..]

رووووووووووعة
عاشت ايديك ورداية
دوم الابداع
ودي

[L•َِOَِ•Y•َِUَِ•S]

اشكرج ورده
انتي العايشه
نورتي

[CoOoL G!rL]

روووعة
كلش حلو
تسلم وردة عاشت ايدك
دومك مبدع
تحياتي الك

[L•َِOَِ•Y•َِUَِ•S]

تسلمين عيوني
نورتي

[حمكي]

كلش حلوووو
عاشت ايدك ورده
دومك مبدع
نتضر كلشي منك حلوو اخويه
تحياتي الك ورده

[nosnos]

الله عليك
فد شي روعة واحساس رائع
عاش ذوقك
تحياتي الك

[عراقيه حلوه]

عاشت ايدك
تحياتي

[ورد البنفسج]

الله الله
روعـــــــــــــــــــــــه
يسلموو وعاشت الايادي
تحياتي

[L•َِOَِ•Y•َِUَِ•S]

تسلمون عيوني
نورتو

[sυρєянυмαη]

كلش حلوووووو
تحياتي