اسير الروح
2010-05-27, 01:20 PM
من روائع عريان سيد خلف
لاتجينه
لا تجينه .. لاتجينه ..
جان كَلت ابوجه الابيض ..
غير معشركم لكَينة
جينة مشتاكَين .. وبلهفة ..
او تسد بابك علينه
جينه يدفعنه الهوى .
اودمعاتنه اتكَطر بدينه
اوجنت اظن عندك وفه ..
اورحينه من فرد طينة
غمكَت جرح الجفة ..
اوزدت .. الكَلب ونه لونينه
اعتب اعله الروح ..
جي لنها اعله .. ريحتكم حنينة
واعتب اعله الشوك ..
والعشرة .. اوسوالفها الحزينة
علمتني شلون يتبره .. الخوي ..
اوحمل اليكَع محد يعينه
عفية صحبة هالوكت ..
بيها اليجافي .. اشوكح عينه ..
او لاتجينه .. !! –
ما اجيكم واليدك بابك ، بعد تنشل يمينه
او جينه .. مدري الجدم زل بينه اعله دربك .. لو عمينه
اوجيت ارد اروحي ..
البكَت سنتين بديارك رهينه
اوجني ضيف !
او عادت الينضاف ..
للخطار .. يرخص ماي عينه
وانته .. ما جنك ربيت ابماينه ..
او شارب حنانه
وانكرت حتى العرف ..
يوم الوكت .. .. بيدك رمانه
عفيه كَلبك هلبت ابساعة .. وفه ..
ابالك طرانه
او جينه نشجيلك ..
عذاب اجروحنه .. او لوعة هوانه
آخ .. يا دمعك فلا يبطل ..
يهل .. لمن عمانه
يا عفه اكَلوب التشيل ..
الظيم وشنحمل عفانه
او حتى اعز الناس من طحنه ..
ابهظم جاروا علينه :
او من وصلنه الدارهم كَالوا اشجابك ؟. لا تجينه
عفيه صحبة هالوكت بيها اليجافي اشوكح عينه
تحياتي واحترامي للجميع
لاتجينه
لا تجينه .. لاتجينه ..
جان كَلت ابوجه الابيض ..
غير معشركم لكَينة
جينة مشتاكَين .. وبلهفة ..
او تسد بابك علينه
جينه يدفعنه الهوى .
اودمعاتنه اتكَطر بدينه
اوجنت اظن عندك وفه ..
اورحينه من فرد طينة
غمكَت جرح الجفة ..
اوزدت .. الكَلب ونه لونينه
اعتب اعله الروح ..
جي لنها اعله .. ريحتكم حنينة
واعتب اعله الشوك ..
والعشرة .. اوسوالفها الحزينة
علمتني شلون يتبره .. الخوي ..
اوحمل اليكَع محد يعينه
عفية صحبة هالوكت ..
بيها اليجافي .. اشوكح عينه ..
او لاتجينه .. !! –
ما اجيكم واليدك بابك ، بعد تنشل يمينه
او جينه .. مدري الجدم زل بينه اعله دربك .. لو عمينه
اوجيت ارد اروحي ..
البكَت سنتين بديارك رهينه
اوجني ضيف !
او عادت الينضاف ..
للخطار .. يرخص ماي عينه
وانته .. ما جنك ربيت ابماينه ..
او شارب حنانه
وانكرت حتى العرف ..
يوم الوكت .. .. بيدك رمانه
عفيه كَلبك هلبت ابساعة .. وفه ..
ابالك طرانه
او جينه نشجيلك ..
عذاب اجروحنه .. او لوعة هوانه
آخ .. يا دمعك فلا يبطل ..
يهل .. لمن عمانه
يا عفه اكَلوب التشيل ..
الظيم وشنحمل عفانه
او حتى اعز الناس من طحنه ..
ابهظم جاروا علينه :
او من وصلنه الدارهم كَالوا اشجابك ؟. لا تجينه
عفيه صحبة هالوكت بيها اليجافي اشوكح عينه
تحياتي واحترامي للجميع