sυρєянυмαη
2010-06-05, 03:07 PM
ها ناح الكَلب ها صـرخ ها ون
ها وينك صرت محبوبي ها ويـن
حبيبي انه وضرب عالكَلب هاون
فجرني وكَعد يبجي علــيه
لجل عينك لشد رتبه ملازم
ويلي بحبك أظل أطبع ملازم
اذا مارايدني عوفـني ملازم
الف واحد يذب روحه عليه
انا الصياد وصـادتني شبكتك
حالم بيك جن بستك وشبكتك
ادك عليك مشـغولة شبكتك
انه الممنون اذا تدك عليــه
وحق اللي تعبده الناس وحده
حبك سلب ...مني الروح وحده
هذني اثنين وانت اختار وحده
تحل لو تظل محبوب اليه
وحق عينك وحق جفنك ورمشاك
اظل طول العمر امشي وره مشاك
عندي بالكَلب منك ورم شــاكَ
يطيبن من تحــــط ايدك عليه
لقلب مارف على غيرك ولامال
خلص عمري من كثر وعودك والامال
ابد لاولف عندي يأنسني ولا مال
الونس انته حبيبي وهاي هيه
أحبك من صغر عودي وسني
ومن حبك وكع شعري وسني
على حالي بجى شيعي وسني
وثالثهم مسيحي يون عليه
بعد ما أغزل الغيري ولاحوك
لأن ماألكه يستاهل ولا حوك
غشمه وصوبوك انت ولاحوك
وعنتر بالحجي صاير عليه.
نسيت انه المصايب مانسني
وليالي الفرح ابد ما نسني
تكلي سني انته؟ مان سني
عراقي وافتخر باجمل هويه
أحبابي شلون حالتــكم بعدنه
شبيدينه والزمن عنــكم بعدنه
اذا انتم نسيتوا احـــنا بعدنه
بذكركم كل صباح وكل مسيه
طير وياك أخذ مرسال وصـله
وخبره الروح بس تريد وصـله
أخذ وياك من الكَلب وصـله
بلكي يشوفها ويرجع الـيه
لغيرك ماجرى دمعي ولاهـل
غاب ...الكمر من شافك ولاهل
مالي جار بهالديرة ولاهــل
بس انت كطعت الوصل بيه
حبك زيد جروحـي والآلآم
كَلبك مامرة عاتبـني ولآلآم
منك كلشي ممجـمع ولا لآم
غير هموم وأحـزان وأذيه
ها وينك صرت محبوبي ها ويـن
حبيبي انه وضرب عالكَلب هاون
فجرني وكَعد يبجي علــيه
لجل عينك لشد رتبه ملازم
ويلي بحبك أظل أطبع ملازم
اذا مارايدني عوفـني ملازم
الف واحد يذب روحه عليه
انا الصياد وصـادتني شبكتك
حالم بيك جن بستك وشبكتك
ادك عليك مشـغولة شبكتك
انه الممنون اذا تدك عليــه
وحق اللي تعبده الناس وحده
حبك سلب ...مني الروح وحده
هذني اثنين وانت اختار وحده
تحل لو تظل محبوب اليه
وحق عينك وحق جفنك ورمشاك
اظل طول العمر امشي وره مشاك
عندي بالكَلب منك ورم شــاكَ
يطيبن من تحــــط ايدك عليه
لقلب مارف على غيرك ولامال
خلص عمري من كثر وعودك والامال
ابد لاولف عندي يأنسني ولا مال
الونس انته حبيبي وهاي هيه
أحبك من صغر عودي وسني
ومن حبك وكع شعري وسني
على حالي بجى شيعي وسني
وثالثهم مسيحي يون عليه
بعد ما أغزل الغيري ولاحوك
لأن ماألكه يستاهل ولا حوك
غشمه وصوبوك انت ولاحوك
وعنتر بالحجي صاير عليه.
نسيت انه المصايب مانسني
وليالي الفرح ابد ما نسني
تكلي سني انته؟ مان سني
عراقي وافتخر باجمل هويه
أحبابي شلون حالتــكم بعدنه
شبيدينه والزمن عنــكم بعدنه
اذا انتم نسيتوا احـــنا بعدنه
بذكركم كل صباح وكل مسيه
طير وياك أخذ مرسال وصـله
وخبره الروح بس تريد وصـله
أخذ وياك من الكَلب وصـله
بلكي يشوفها ويرجع الـيه
لغيرك ماجرى دمعي ولاهـل
غاب ...الكمر من شافك ولاهل
مالي جار بهالديرة ولاهــل
بس انت كطعت الوصل بيه
حبك زيد جروحـي والآلآم
كَلبك مامرة عاتبـني ولآلآم
منك كلشي ممجـمع ولا لآم
غير هموم وأحـزان وأذيه