المساعد الشخصي الرقمي

مشاهدة النسخة كاملة : مو عالبال



بنت الاعظمية
2010-06-24, 12:54 AM
ردت ابجيك وابجي اسنين عمري الراح

عصرت ادموع عيني ومالكيت اوشال

ونخيت الروح بالبلكت وبالياحيف

لكيت الروح ماتحمل بعد مثقال

مو عالبال ....

جرفك ينهدم وشمابنيت ارمال ؟؟

موعالبال !!!

من فتحت عيني الشوفتك ملهوف !!

لكيت اتراب صدك بالوجه ينهال

يتراوالي طيفك !! والهث من ابعيد

امد جف المصافح !! لن سرابك زال

مو عالبال !!!!

مد بيه الجرح من جدمي حد الراس

ياسجين جرحي الكطعتني اوصال

ياشاخة حزن ويفيض بيك الحيف

وبجرفك جتيل وهجرك الجتال

موعالبال !!!

نصاني الوكت لاسفل درك بالكاع

وبسابع سمه الشمات قيل وقال

ضاعت فرحتي ومثل اليتيم ابعيد

اتأمل تجيني وتنشد اعله الحال

مو عالبال !!!

جم مره انجويت ؟؟ وماكلتلك ليش ؟؟

ولاخشنت كلبك يالبعادك طال

مو عالبال !!!

جف الشالتك والكصد تعبر بيك !!!

من وصلت الجرفك بيهه تنبت فال ؟؟ !!!

مو مو موعالبال !!!!!!!

ورد البنفسج
2010-06-24, 01:12 AM
يسلموووو ورده
دومج مبدعه
تحياتي

حمكي
2010-06-24, 01:13 AM
عاشت ايدج ورده
تسلمين كلمات كلش حلوو
نتضر كلشي منج حلوو
تحياتي الج

ميما الحلوه
2010-06-24, 01:34 AM
حلوووووو
يسلمو وردايه
عاشت ايدج
دومج مبدعه
تحياتي

دمعة ألم
2010-06-24, 01:43 AM
شعر جميل
عاشت الايادي يامبدعة
تحياتي الج عيوني

بنت الاعظمية
2010-06-24, 01:49 AM
منور الموضوع بمروركم

HamaDa
2010-06-24, 01:59 PM
عاشت ايدج وردة
كلش حلوو
دوم الابداع
تحياتي الج

trestan
2010-06-24, 02:31 PM
عاشت ايدج وردة

كلمات روعة

بنت الاعظمية
2010-06-24, 04:01 PM
منورين الموضوع