امـ،ـراض نفسيـ،ـه

[L•َِOَِ•Y•َِUَِ•S]

انه الفوك الرمل ياما بنيت اوهام
جنت وياك صدك صافي النييه

تكلي انساني وانه ابعد عليك بعيد
ومن ابعد تردلي وبيك حنييه

تكرهني من احبك مدري انته شبيك
وتحبني من اكرهك تنعجن بييه

اذا متحبني كلي شمالك انته تغار
من امشي ويه غيرك تكلب الدنيه

ولو فات الاوان وخلص اني انسيت
وشلتك من حياتي بلحظه منسيه

مقهور شكثر صدكني اني اعليك
مريض بعقلك انته امراض نفسيه

باوع حالك انته شضال بيك اليوم
ضعفان الوجه وعيونك ربييه

بس جلد وعظم والندم بيين بيك
وبس انفاس عندك تترس الرييه

ضل بلا مشاعر ضل يتيم الشوك
دضل جدي العشك متحصل شووويه

الك ياما كلت وانطيتك اني ادروس
يجيك الحب غفل لاتنتضر جييه

وانه الضيعت كل العمر وياك
جنت مثل الضرير وياك بس امشي

ذبحت براسي حبك من حجيت وياي
ماميت بعدني وشيلت نعشي

احس حته الدمع يضحك علي ويطيح
واحس عيوني زعلت حته من رمشي

حمزه الحب صرت كد ماوفيت وياك
بس انته بأسف بالحب صرت وحشي

شعلت انه الشمع بالضلمه جي ما شوف
بس طفيته انته وتدري بييه اعشي

وانه الياما رسمتك بالضلام انجوم
وكلتلك استريح اتفضل بعرشي

واليريد شي لازم يعوف اشياء
وانه الماردت كلشي وعفت كلشي

شعر صهيب السامر

[MARAD ALEMDAR]

مشكور حبي لويس وعاشت الايادي على الموضوع الرائع
تقبل تحياتي و مروري

[SuN_BaGhDaD]

سيدي

:::::(LoYuS):::::

صاحب الحرف والكلمه العذبه

نصك رائع بل اكثر من رائع

للمره الاولى اراه .. واستمتع بقرائتي له

فلك كل الشكر على ما ابدعت هنا

اعذرني لاني لم اعطي النص حقه

فهيه الكلمات تخونني احيانا لما ترى

من جمال الحرف امامها .. فتخجل وترحل بهدوء

لك مني كل ورود الفل في هذا اليوم



كنت هنا

SuN_BaGhDaD
,,,,,,,,

[L•َِOَِ•Y•َِUَِ•S]

منورررررررين القصيده حبايبي
تحياتي

[نونه البزونه]

ج ـد روع ـة
يس ـلموو خ ـيوو وعآشت إيدكـ ..