صدكَـ صار اهواي ما مريت بيه؟!

[عراقيه حلوه]

صدكَـ صار اهواي ما مريت بيه؟!

و صدكَـ صارت حسرة احط إيدك بديه ؟!!

و صدكَـ صارت عادي .. ما نكَعد سويه؟!

صدكَـ صارت عِشرتك بس ذكريات ..

جنها ما جانت حقيقة و واقعيه؟!

و صدكَـ صارت ارسومك خيال ..

و شوفت اطيوفك عصيه؟!

صدكَـ صارت لَمْسِتك صعبت منال ..

و جانت اسهل شي عليه؟!!!

جان وكتك يمي يكَظي .. كله يمي ..

صدكَـ صار لغيري وكتك .. مو إليه؟!

انته اللي جنت يومية تكَصدني
و يمي تكَعد
.. تملي ساعاتي الخليه..؟؟؟؟

و هسة صِرْت لجيّتك أكَعد و اتاني ..

و أنتظر .. بس ماكو جيّه..

الدنيا متعوضني عنك ..

دنيتي اخلافك رِديه..

آنه محتاج لحناناتك حبيبي ..؟؟

لّليالي السُندسيه!!

آنه محتاج لــ سماحة وجهك اليضحك ..؟؟

و بسمة اشفاك النديه..؟

مشتاكَـ لهدوئك .. لانفعالك ..؟؟؟

كل هذيج الأريحيه..؟؟

إرجع .. رجّع أيامي بوجودك ..

آنه من دونك خطيه؟!!

و انته من طبعك تسامح ..

و طيبتك عالكل سخيه..

أدري آذيتك حبيبي ..

لأن شفت منك اذيه؟؟؟

و أعترف .. ضيعتك آنه ..

و ضيعت بيك القضيه..

و بغبائي ..

و كبريائي ..

و سوء تقديري ..

صرت انته الضحيه؟!

هديه ربي جِنْت و أعترف يـ فلان ..؟؟؟

آنه ضيّعتْ الهديه..




آنه ضيّعتْ الهديه

[lovely lady]

روووووووووعة
عاشن الايادي وردة
على الشعر الحلو
تحيتي و ودي

[دمعة ألم]

عاشت اناملك الذهبيه على ماخطت من ابداع متميز
لا تحرمينا من جديدج المتميز
ودي

[حمكي]

عااااااااشت ايدج ورده
طبعا كلمات ماتنوصف ::49::
تسلمين عيوني على الموضوع
ودوم الابداع
نتضر كلشي منج حلو

[TOM CRUISE]

مشكوررررررررررررررة * وردة *





على الشعر الجميل روعة





تحياتي لج





توم كروز

[sυρєянυмαη]

والله رووعه
كلش كلش حلوة
يسلموو ورداية
تحيتي

[nosnos]

روعة وردة
عاش ذوقج
كلمات ولااروع
تحياتي الج

[عراقيه حلوه]

منورين عيوني

[HamaDa]

عاشت ايدج وردة
على الموضوع الجميل
ننتضر كلشي منج حلوو

[CoOoL G!rL]

كلللللللش حلوة
تسلمين يا مبدعةة
عاشت ايدج
تحياتي الج

[عراقيه حلوه]

منورين عيوني