ياضحكة طفل...اهداء لجميع اعضاء المنتدى مع تحياتي

[الشاعر جلال البطاط]

(ياضحكة طفل)

ياضحكـة طفل تتمايل أبممشاك
مو حقي من اشَك اهدومي واتهدل!!
ما شايف بعدني ازغيـر ومعذور

وانتة أستاذ بالحب ناجح الأول!!
بس هية المصيبة لو كَعدت وياك
يضيع ألساني مني وكلشي ما أندل..
دخاف الله يخايب سودنيت الناس
كلمن عاف شغله وبيك يتغــزل..
من تمشي الفراش يحوم فوَك الراس
لأن حتى الورد بجـدامـك أتوسل..
اثر جدمك ضوة من تمشي فوَك الكَاع
ولأن شفاف جسمك ما ترك أي ظل!!
وبالسبعة الصبح لا تضحك أترجاك
وكَـدام البشر غطيهـن اشفافـك!!
طـلاب المدارس حـارو بمعناك
كلمن ناسي درسه..وحافظ أوصافك!!
وإذا اتطب للقسم اكَعد بأخير الصف
أذا كَـدام تكَعـد يعنـي نتخردل..
مو حتى المدرس سودنيتة وياك
راد يكَول جاوب...كَلك أمعـدل!!
*************
مع تحياتي


الشاعــــــــــــــــــــــــــــــــــــــر


جلال البطاط


غير مبروء ذمة من يقوم بالنقل دون ذكر الاسم

[lovely lady]

الله الله
عاشت ايدك يا شاعرنه
تحيتي لك

[L•َِOَِ•Y•َِUَِ•S]

الله اكبر
عبالك عليه
عاشت ايدك ورده
كلماات اكثر من روعه
ونورت منتداك

[nosnos]

الله عليك
عاشت ايدك قصيدة جدا رائعة
ماننحرم من جديدك
تحياتي

[اسير الروح]

الله عليك
عاشت ايدك يا مبدع
قصيده
كلش حلوة
ياربي مننحرم من قصايدك
تحياتي الحاره
الك

[جلنار]

الله الله
تجنن
عاشت الايادي
تحياتي

[الشاعر جلال البطاط]

تحياتي للجميع على مرورهم الكريم وردهم البديع.

[وـرـرده فـرنـسـيـه]

يسلموووووووووووووووووووووووو
عاشت الايادي

[عراقيه حلوه]

رروووووعه
يسلموو ع القصيد هالحلوه
ودي

[الشاعر جلال البطاط]

رروووووعه
يسلموو ع القصيد هالحلوه
ودي




تسلميلي ياوردة ع المرور العطر...تحياتي لكِ ولجميع الاخوة الاعضاء .

[شمس الحب]

روعـــــــــــــــــة وكولش بديعه قصيدتك
عاشت الايادي ورده
ويارب مننحرم من جديدك المميز
تحياتي لك

[الشاعر جلال البطاط]

روعـــــــــــــــــة وكولش بديعه قصيدتك
عاشت الايادي ورده
ويارب مننحرم من جديدك المميز
تحياتي لك




تسلميلي ياوردة ع المرور والرد الجميل...تحياتي لكِ غاليتي.