ياغنوة عشكَ//غزل...مع تحياتي للجميع

[الشاعر جلال البطاط]

((غنوة عشَك))
ياغنوة عشَك حافظها جوه الروح
ياسيف وجرح بضلوعي من أيحد!!
يا أجمل حلم تاه واجاني أبليل
حسبالي الصبح الكَاه من اكَعد!!
تعرف بيهّ شاعر وانتفض بالليل
وتعرف بالشعر هداته من أيهد!
وتعرف بالعقل ما يرضى بالتقسيم!
وإذا مرة انقسم..يعني الجنون أيرد!
مرات اعتنيلك وانسه روحي وياك..
ومرة الكَاها روحي وياك ضد..الضد!
حمامة بيت انته واحنه ربيناك!
ومن ريشك كبر..من عدنه كَمت أتصد؟!
يمعود تعال ولا تروح أبعيد..
بلابل بيتنة بس بسمك أتغرد..
طلع منيّ جنوني وكَمت اسولف بيك
مثل سكران روحي وكَامت أتعربد!!
مجنون اعترفلك..بس اكو مقياس؟؟
حبل امواصلك..رخيتة..وانته أتشد!
يروح الروح انته..ويانبضشريان
عداد الكَلب بسمك تراه أيعد!!
اسولف وية ضلي..لأن شفتك بيه !
وانته لاتجيني..لوعليّ تنشد؟؟
كَلي شلون كَلي؟؟ كَلي..كَلي اشلون؟؟
تبقه انته الغني!! وانيّ الفقير أيكَد؟؟
وتبقه انته الأمير!! وانيّ خادم دوم!!
وتبقه انته السياسي!! وانيّ.ند.الند ؟؟
تدري النار بيهّ واحترَك بسكوت..
يالمايك ضحل...كَلي أشوكت تركد؟؟
***********
مع تحياتي
الشاعـــــــــــــــــــــــــــــــــر


جلال البطاط



غير مبروء ذمة من يقوم بالنقل دون ذكر الاسم

[دمعة ألم]

عاشت الايادي وردة على الشعر الرائع
والاحساس الجميل
لا تحرمنا من ابداعك
ودي

[CoOoL G!rL]

رووووووووعة
يسلمو وردة عاشت ايدك
تحياتي الك

[جلنار]

عاشت الايادي
دوم الابداع
تحياتي

[L•َِOَِ•Y•َِUَِ•S]

سلمت بما خط قلمك
كلمات وتجسيد رائع
دمت بهذا الابداع

[وـرـرده فـرنـسـيـه]

عاشت الايادي
دوووووم الابداع
ودي

[الشاعر جلال البطاط]

تسلمولي حبايبي ع المرور الكريم والرد العذب...تحياتي للجميع.

[sυρєянυмαη]

يسلموووووووووووووووووووووو
تحياتي

[الشاعر جلال البطاط]

يسلموووووووووووووووووووووو
تحياتي





يسلمو ع المرور...تحياتي,

[بنت الاعظمية]

يسلمو على الشعر الرائع
بس تدرون اني اسمي غنوة
ههههههههههههههههههههههه

[الشاعر جلال البطاط]

يسلمو على الشعر الرائع
بس تدرون اني اسمي غنوة
ههههههههههههههههههههههه




يعني طلعنة عرف هههههه تسلميلي غاليتي ع المرور العطر....نورتينا ياوردة.....تحياتي لكِ.