عراقيه حلوه
2010-08-31, 08:58 PM
***الشاعر رائد ابو فتيان***
ياخذني الدرب وارجع وكولن لا
واحس كلبي يكلي شلون تاليتك؟
واجر جدمي ويجرني وبين متفض هاي
الكه الروح راحت وصلت البيتك
نهر ذله الدرب شيعبره يامهيوب
وغابت موت بعدك واني هديتك
اجيت اتندمت رديت اجاني الموت
وماادري اجيتك مدري تانيتك!!
مر طعم الندامة وضكته انه بطعمين
لأن ذبت بهواك ولأن جافيتك
الحد سحك الكرامة الخلك طال وياك
وانه الكدتك بدي فوكاهه مشيتك
او وكع ناعور جفك عالخصر طعنات
وطحت من التعب وبجفي كضيتك
وشلتك دمعه خاطر لو بجيت اطيح
جا هلبت كضيت شكثر بديتك
ماترهم ورد وجروحك البروح
يكرهني الورد لو هيج سميتك
ولا تأكدر بعد عاكول أكول اعليك
اذا عاكول ليش هواي شميتك؟
وتنعتني بقفص يالطاير بصحراء
اذا مامش غصن مسلوبة حريتك
ونسيت شكد ذبت من شفتي هامت بيك
ولميتك بدي وبحضني بديتك
ونسيت انت شكثر غشيت بيك الروح
واعز منه انت جي مايوم غشيتك
مو حجيك وعينك بينلي الشوك
حتى اقنع عشك مثلت شخصيتك
فك بردت اضلوعك كلبك المحتار
بخجل بينلي راسه وكلي حبيتك!
قلم روحك بديه ورقه جسمك جان
وقصيدة تكت صور بحساس خطيتك
وهسه الياخذك يقراك بله شلون؟
وانه الي كتبتك وانه القريتك
جنت بيدي ورحت لمن لواهه البين
بس هسه تبت بيد الله خليتك
ياخذني الدرب وارجع وكولن لا
واحس كلبي يكلي شلون تاليتك؟
واجر جدمي ويجرني وبين متفض هاي
الكه الروح راحت وصلت البيتك
نهر ذله الدرب شيعبره يامهيوب
وغابت موت بعدك واني هديتك
اجيت اتندمت رديت اجاني الموت
وماادري اجيتك مدري تانيتك!!
مر طعم الندامة وضكته انه بطعمين
لأن ذبت بهواك ولأن جافيتك
الحد سحك الكرامة الخلك طال وياك
وانه الكدتك بدي فوكاهه مشيتك
او وكع ناعور جفك عالخصر طعنات
وطحت من التعب وبجفي كضيتك
وشلتك دمعه خاطر لو بجيت اطيح
جا هلبت كضيت شكثر بديتك
ماترهم ورد وجروحك البروح
يكرهني الورد لو هيج سميتك
ولا تأكدر بعد عاكول أكول اعليك
اذا عاكول ليش هواي شميتك؟
وتنعتني بقفص يالطاير بصحراء
اذا مامش غصن مسلوبة حريتك
ونسيت شكد ذبت من شفتي هامت بيك
ولميتك بدي وبحضني بديتك
ونسيت انت شكثر غشيت بيك الروح
واعز منه انت جي مايوم غشيتك
مو حجيك وعينك بينلي الشوك
حتى اقنع عشك مثلت شخصيتك
فك بردت اضلوعك كلبك المحتار
بخجل بينلي راسه وكلي حبيتك!
قلم روحك بديه ورقه جسمك جان
وقصيدة تكت صور بحساس خطيتك
وهسه الياخذك يقراك بله شلون؟
وانه الي كتبتك وانه القريتك
جنت بيدي ورحت لمن لواهه البين
بس هسه تبت بيد الله خليتك