خل نبوكا .. هل انت مع او ضد؟

[امبراطور البصرة]

السلام عليكم ورحمة الله وبركاته..





طبعا كلنا شفنا حلقات برنامج خل نبوكا العام





بس هالسنة كل شي يزيد عن حده ينقلب ضده





خل نشوف التعليقات اللي صارت بموقع الفيس بوك


















برنامج خلن بووكا الجزء الثاني على قناه البغداديه
اكيد سمعتو عن الانتقادات والناس تحاول غلق هذا البرنامج الله والعالم كولها مترضاها شوفو هااي الحلقه للفنان جاسم شرف فنان عريق مثل العراق باجمل المسرحيات والادوارالرائعه هيج وصلت الاهانه بي يمشي حافي ويركض ؟؟؟ هذا موقف مضحك الاهانه بي هاي كاميرا خفيه ؟؟
هل انت مع او ضد
هل هو مضحك لو ...تتأسف ع هيج قناه تستهزء بفنانين
لو كانت مثلا كانت هااي الكذبه صارت وياكم تقبلون تنشروها ؟؟؟






طبعا وصار كروب خاص ضد علي الخالدي











خل اشوف آرائكم ؟ وهل ترضوها لو لا؟

[HamaDa]

الجزء الاول جان يعني شويه زين بس الاجزء الثاني زودو بيه لو مختارين غير فكرة جان احسن
طبعاً هوايه شغلات صارت ويه الفنانين مو حلوة يخوفوهم عبوة ما اعرف شلون
ولاحضت اكو فنانين اعصابهم انهارت واكو بعضهم غابو عن الوعي وبالنسبه اليه اعتبره فاشل
اسف على الاطاله
.......
عاشت ايدك على الطرح صديقي
لاتحرمنا من جديدك دوماً
تحياتي الك

[jollie]

هو البررنامج حلو وفكرته غريبة بس مثل ماكلت شوية بي مبالغة واهانة

يعني كان ممكن يسوو بس بدون اي اهانة للفنانين المبدعين

وهذا رأئي

يسلمووووووووو

[وـرـرده فـرنـسـيـه]

اني بالنسبة اليه شفت الجزء الاول
وجان حلو
وحتى الجزء الثاني مابيه شي
يعني الفنانين ما اترضو على الصار احنا نعترض

[Tamy]

نفس رائي القبلي
تحياتي الك ع الفكره

[مستشار الغرام]

نفس رأي اريج الورد

يسلمو ورده على الموضوع

[مريومه العراقيه]

اني طبعا وبكل تأكيد ضد هالبرنامج السخيف ويدل على مدى تخلف وعدم رقي هالمقدم اللي هو علي الخالدي وبشهادة اغلب الناس أعلامي فاشل
اولا برنامجه بيه اهانه للعراقيين والاستخفاف بمشاعرهم ويدعي الى زيادة العنف بالشارع العراقي وغير هيج بين للعالم انه ماكو احترام لاي شخص
بأي دوله عربيه او غربيه عدهم الفنان كبير ويقدروه ويحترموه هنا سوو مضحكه يغلط ويعيط و....ألخ
وطبعا العتب ليس على علي الخالدي فقط وانما عل الفنانيين اللي وافقو على عرض البرنامج وطبعا كل شي بيه فلوس مينرفض !!
وغير هيج صورو الجيش العراقي بصوره محلوه اطلاقا وبينو شلون يتعاملون ويه الناس
ولهذا القرار اللي اتخذته النقابة كان قرار صائب وياريت يتم تنفيذه لوقف هيج مهزله تمس العراق والعراقيين على حد سواء
احنا نريد نرتقي ونتقدم منريد نرجع للوراء بامور تافهه
وياريت لو يتعلمون من العالم شلون تكون كامراتهم الخفيه وشلون يقومون بتقديمها مو بهالطريقه اللي للاسف اقل ما يقال عنها تافهه
وعلى فكره ما اعتقد أي انسان يقبل يتهان كدام العالم كله وبالاخير يكولوله كامرا خفيه هالشي معناته الانسان ماعنده كرامه
ومع احترامي لكل شخص وافق على هالبرنامج معناته ميعرف شي بالساحه الاعلاميه ولا بالرقي والاسلوب الاعلامي الصحيح
وأضافه بسيطه تره علي الخالدي مو رجال لو تلاحظون عليه ماعنده شخصيه تصرفاته مثل تصرفات البنات يعني فاشل بكل المقايس
أني ملتقيه بيه اكثر من مره كلمه ميعرف يحجي

أسفه على الاطاله
وشكرا للموضوع
دمت بود

[فيلسوف الحب]

رايي برنامج سخيف
وعلي الخالدي هم معتبر نفسة رجال

[بدمه كتب همه]

انا ماشفت الجزء الاول بس الثاني بيه مبالغة

واستهزاء بلفنانين العراقيين

من شفت حلقاته اتمنيت واحد من الفنانين ينزلك علبغدادية وعلى علي الخالدي ويطيحلك حضهم

هذا رايي

عاشت ايدك علطرح

اقولك شلون بالامتحانات مجاوب لو لا احجي بصراحة

[امبراطور البصرة]

والله ما ادري شكللكم بس ....

والله مشكورين واني احترم راي كل واحد منكم

نورتو وانستو

[جلنار]

والله صراحه اني الجزء الاول مشفته
والجزء الثاني شفت حلقتين منه وبعدين عفته
لان برنامج مو حلو ويشوه صورة العراقيين
واعتقد ان هو برنامج فاشل
وهذا رأيي

يسلمو ورده على الموضوع
تحياتي

[دمعة ألم]

اني مع البرنامج لأنه برنامج حلو وشرح الواقع العراقي بكوميديه رائعة وشي واقعي حلو يعني مو مدبلج
وثبتو جدارتهم الحرس الوطني وقابليتهم على التمثيل يشكل حلو
وان شاء الله التوفيق للجميع
وشكرا وردة على الموضوع والطرح الجميل
دووم الابداع
ودي

[حمكي]

ممممم اني اشوف شي محلو
لان اول شي الشخصيات الي جايبيها من كبار الممثلين العراقين
وعلي الخالدي مع احترامي يتنعوص ويتبجبج ومدري شنو
ومو من ثوب العراقين هيج شي برأي
وعلى اي حال هو كله كوميده وتمثيل
وتحياتي

[امبراطور البصرة]

مممممممممم

يلا خوش اراء

نورتو