تسجيل الدخول

مشاهدة النسخة كاملة : هل تهتم لأحلامك؟؟


حمكي
2010-09-21, 06:44 PM
السلام عليكم و رحمة الله تعالى و بركاته



و إن شاء الله تكونوا كلكم بخير

تساؤل تبادر بذهني

الأحلام جزء من حياة الإنسان في نومه و في الاغلب يراها الإنسان دائما و هو نائم , و أنا هنا

أتحدث عن المنام , و منا من يصدقها و يتوقعها بأنها ستحدث بحياته , و منا من لم يلقي لها بال و

يحسبها من واقع الخيال .

و من هنا أردت إستفساركم :

هل تهتم (http://www.shatelarab.com/thread67607.html) بأحلامك و تبحث عن تفسيرات لها , أم أنك تعتبرها

مجرد وهم فقط ؟

هل صادف و أن رأيت حلما و تحقق بالواقع ؟

و لكم المجال للتوسع أكثر في هذه الظاهرة

لـــــــكم تحيـــــــــاااتي و احتـــــــــرااامي
دمعة ألم
2010-09-21, 07:03 PM
الاحلام بعضها جزء من الواقع لأنه مرات تتحقق فعلا
شكرا وردة على الموضوع الحلو والنقاش الجميل
دوم الابداع عيوني انت
تقبل مروري البسيط
دمعة ألم
حمكي
2010-09-21, 07:10 PM
منورة ورده
وشكرا لرأيج الحلووو
تحياتي الج
عمار الشاعري
2010-09-21, 07:14 PM
مشكور حبي ع الموضوع
بس والله جنت قبل ماامن بل الاحلام بس
هسة كمت امن بية لان شفت
حلم وتحقق
تحياتي
حمكي
2010-09-21, 07:17 PM
ممم حلووو
انشالله خير ورده الاحلام
منور الموضوع
تحياتي الك
بنت الاعظمية
2010-09-21, 07:56 PM
بس اني يعني ما امن بيهة كولش
بس صارت شغلات خلتني امن بيهة
يسلمو وردة علموضوع الروعة
دومك مبدع
تحياتي الك
وـرـرده فـرنـسـيـه
2010-09-21, 08:57 PM
اني مصيبتي مصيبة مستحيل احلم حلم اذا مايتحقق
اذا كان زين لو مو زين
وبصراحة من احلم اضل ادور على تفسير لحلمي
لان اخاف كولش منه
واحيانا يصير بية مواقف اتذكر انه اني شايفتها قبل ماتصير
اسد الرافدين
2010-09-21, 09:10 PM
هل تهتم (http://www.shatelarab.com/thread67607.html) بأحلامك و تبحث عن تفسيرات لها , أم أنك تعتبرها

مجرد وهم فقط ؟
كلش عندي اهتمام بهذا المجال
ويجب ان نعرف انه هذه النعمه الربانيه تكون خاصه بلأنسان المؤمن بالله
ويجب علينا التمييز بين الحلم والرؤيا
فلحلم لايؤخذ به برأي العلماء واصحاب الفكر ولكن الرؤيا هي التي تفسر
والرؤيا يكون وقتها بعد صلاة الفجر اي عندما تصلي فريضة الفجر بوقتها وترجع للنوم فبذلك الوقت ممكن اعتبار مارأيته نداء من السماء
اما مانراه من احلام واشياء وهميه وخياليه كلسفر لفلان دوله والذهاب لفلان سماء لايدخل ضمن التفاسير
وللمهتمين اكثر بهذة الظاهر انصحهم بقراءة كتاب تفسير الاحلام للامام جعفر ابن محمد عليه السلام

هل صادف و أن رأيت حلما و تحقق بالواقع ؟
اي اكو رؤيا اتحققت اكثر من مره مثل ماكتلك نعمه من ربك انه ينبهك بحصول شئ قبل حدوثه والله العالم الرؤى الي تحققت بلصدفه او هي نعمه من الله عز وجل

و لكم المجال للتوسع أكثر في هذه الظاهرة


اتوسعت هواي وطولت عليكم ههههههه


مشكووووووووووووووووووووور حبيبي وعاشت ايدك علطرح المميز حموووووووووووووكي الورده
iraqi women
2010-09-22, 03:13 AM
هل تهتم (http://www.shatelarab.com/thread67607.html)بأحلامك و تبحث عن تفسيرات لها , أم أنك تعتبرها

مجرد وهم فقط ؟
لا دائما افسر احلامي لانها شي واقعي
هل صادف و أن رأيت حلما و تحقق بالواقع ؟
تقريبا كلشي اتحلم بيه يصير صدك
و لكم المجال للتوسع أكثر في هذه الظاهرة
والله هي هواية شغلات بكلشي عن نفسي وعن اهلي وحتى عن العراق مرات اخاف انام واتحلم بشي مو زين ويصير ولو هي كلها بيد ربك واكول الحمدلله على كل حال على الاقل تنبيه اليه قبل لا يصير الشي.
والله محيي اصلك اخي
حمكي
2010-09-22, 03:14 AM
منورين حبايب الموضوع وشكرا الارأئكم الحلوه
طبعا اسد الرافدين عجبني ردك وتطلعك للحياه بصوره حلوه
وانشالله يارب خير واحلامكم كلها حلوه وتتحقق الي تريدو من الاحلام
منورين مره ثانيه وشكرا على تواجدكم الراقي
تحياتي الكم
مريومه العراقيه
2010-09-22, 09:21 PM
بالأول مشكور جدا على الموضوع الرائع
أكو هوايه ميعرفون شنو هي الاحلام وليش تصير النا وشنو سببها و...الخ
هو حسب علمي بالموضوع الاحلام هي من الظواهر الصحية الهامة لاحتفاظ عقلنا بلياقته أثناء النوم حتى ميتكاسل لما نعود للحياتنا الطبيعيه
والأحلام تحدث خلال مراحل معينة ويه حركة العين السريعة Rapid eye movement ومدتها 10 دقائق تقريباً تتكرر مرة كل 90 دقيقة
هذا هو السبب اللي يخلينا نحلم بأشياء هوايه أثناء النوم غير هيج منتذكر غير اخرهذه الاحلام قبل منكعد
والحلم يصير لان اول شي لما نتذكر كل اللي صار ويانه خلال هاليوم او الاشياء اللي تشغل بالنا قبل النوم
وثاني شي هو بسبب الافكار والرغبات والصراعات الموجوده بعقلنا الباطن
واللي نشوفه بأحلامنا هذا الشي يعبر عن رغباتنا المكبوته اللي منكدر نظهرها للناس بالواقع او اشياء منكدر نوصللها
فبالنوم يكون النا فرصه بان نحلم بيها وهذا الشيء من العقل الباطن فحقق النا الاشباع اللي نعجز عنه بالواقع
فالاحلام تصير نتيجة علاقه بين العقل الانساني والبيئة المحيطه بيه وتفاعله ويه الاخريين
فهذا الشي ميحتاج اله تفسير وماكو اله داعي نبحث عن تفسير اله
كذلك الكوابيس هي تكون من الشيطان وكذلك ميحتاج الها تفسير نكتفي بقول " أن شاء الله خير"
واكو نوع ثاني يسمى الرؤيا مثل مكال الاخ اسد الرافديين
الرؤيا هي رسائل من الله لجميع البشر ونكدر نعتبرها مساعدة حتى نتواصل بحياتنا وهنا يجي التفسير ممكن نكدر نستفسر ونفهم
واما هل اتحقق حلم من احلامي كل حلم اشوفه ميحتقق لكن الرؤيا فقط تحققت مره وهالشي تاعبني لان الرؤيا تنبيه للانسان وخصوصا اذا كان شيء صعب
مشكور جدا للموضوع الرائع والهادف
وعذرا مني للاطاله
دمت بود
حمكي
2010-09-23, 12:03 AM
تسلمين ورده على رأيج الراقي
وطبعا استفاديت كلش من وجهه نضرج الراقيه
منوره الموضوع وشكرا على رأيج
تحياتي الج ورده