احبك خاف اكلك.. وتكلي جذاب

[الحيدري]

ما يحتاج اكلك انت تعرف زين
تعرف كلشي بية واعرف شبيك



ومايحتاج اكلك اني احبك ليش
تدريني وي روحي اني اغار عليك



صرت انت السفينة واني سفان
وغيري اعلى الجرف ياهو اليرسيك



غيرك ما اريد ولا احب الغيـــــــــــــر
وغيري اعلى الحزن ياهو اليواسيك



احبك خاف اكلك وتكلي جذاب
واقصّر خاف اكلك مااوفيــــــّـــــك



سولفلي اعلى حالي واسال ارجوك
وسولفلي عليك شبيك ما بيــــــــك



هم كلبك يحن من نفترك لحظات
وعمت عين الكلب لو ما يحن ليك



شعلت روحي شمع وبظلمة تالي الليل
واطفي شموعي كلهة وبس اضّويك



خليتك دمع وبساعةالضيــــــــــــق
ابجي دموعي كلهه وما ابجيك



اعطش من اشوفك وابتسم حيل
واظل عطشان مني واني ارويك



ما ارضى بزعل ...ما ازعل وياك
وازعّل الدنية كلهة وبس اراضيك



من تحزن احس بنفسي انهار
وادزلك كلبي ويه عيوني تحميك



من طبعي شرس وتخاف مني الناس
بس منك اخاف بيوم الاكيك



احاول عنك ابعد.. ابتعد بيك
وتبعد عني بيه.. وبيه اخليك

[دمعة ألم]

كلمات واحاسيس وائعة جدا
دمت بهذا الابداع
ودي

[وـرـرده فـرنـسـيـه]

يسلمو عيني
عاشت ايدك
ورررررربي
روووووووووووووووووعة
عاشت ايدك

[بنفسج]

كلمات اكثر من رائعه
عاااشت الايادي

[الحيدري]

شكرا لكل من مر على الموضوع
تقبلو تحيتي