شمس الحب
2010-12-04, 03:29 PM
غريبة ياكَلب متغير انته وياي
ودكَاتك تغافلني وتدكَ اكثر
تعاهدنه تظل صايم بدنيا الشوكَ
وحلفت وكَلت مامرة راح افطر
مرة تذوب بيه مره مدري شبيك
تكَضي الليل كله ويه النجم تسهر
اخافنه العشكَ الدكَ عليك الباب
شرعته ودخل وظل بيك يتأمر
اشوفك تنتظر وتعاين الساعات
بموعد جيته اوجنه اتاخر
اوكَف ياطفل لا تبلي بيه الروح
ابعد عن مرامك لاترد تعثر
سد بابك ولك لاتفتح البيبان
كبل لاتبدي تحزن تهم تتحسر
بعده الجرح لوّل ينزف الاهات
ماطاب وعذابه بنصك اتسطر
ولف عندك تحبه وتعتني لملكَاه
على عتبة خيالك باقي بس يفتر
اذكّر جروحك سهر تالي الليل
لاياخذك روجه ويبعد المعبر
مو مغرور انته وخايف انه عليك
ايذوبك غرامه وترد بي تنغر
وتحاول تعوفه من تضوكَ الويل
ويعوفك وانته تعوفه ماتكَدر
ويعوفك وانته تعوفه ماتكَدر
ودكَاتك تغافلني وتدكَ اكثر
تعاهدنه تظل صايم بدنيا الشوكَ
وحلفت وكَلت مامرة راح افطر
مرة تذوب بيه مره مدري شبيك
تكَضي الليل كله ويه النجم تسهر
اخافنه العشكَ الدكَ عليك الباب
شرعته ودخل وظل بيك يتأمر
اشوفك تنتظر وتعاين الساعات
بموعد جيته اوجنه اتاخر
اوكَف ياطفل لا تبلي بيه الروح
ابعد عن مرامك لاترد تعثر
سد بابك ولك لاتفتح البيبان
كبل لاتبدي تحزن تهم تتحسر
بعده الجرح لوّل ينزف الاهات
ماطاب وعذابه بنصك اتسطر
ولف عندك تحبه وتعتني لملكَاه
على عتبة خيالك باقي بس يفتر
اذكّر جروحك سهر تالي الليل
لاياخذك روجه ويبعد المعبر
مو مغرور انته وخايف انه عليك
ايذوبك غرامه وترد بي تنغر
وتحاول تعوفه من تضوكَ الويل
ويعوفك وانته تعوفه ماتكَدر
ويعوفك وانته تعوفه ماتكَدر