جنت اضنج

[نونه البزونه]

چنت اضنّچ
چنت اضنّچ گلب طيّب
ضماد لجروحي و شداد
و چنت اشوف ابدفو حضنچ
حضن أم يمطر وداد
حضن أم الابن جندي
بيوم من جبهته عاد
و چنت اضن روحچ حنينه
و ما تحملين البعاد
و چنت اضنچ خامة بيضه
ما يدنّسهه السواد
و چنت اشوفچ طير زاجل
اشما يسافر .. تالي راد
ثاري تفگة موت انتي
ابگلبي رصيتي الزناد
گبال عيني و ما استحيتي
اشكثر عقلچ بي عناد
ما خجلتي أبلحظه أنتي
أبعيني ذريتي الرماد
گطّع الدلّال سيفچ
ما وگف لحظة حداد
ابظهري خنجر غدر منّچ
حاد .. أوف .. شلون حاد
بعتي حبي ابگحف تالف
بيه اعلنتي المزاد
ما شروني بثينه ليله
و لا عبيله و لا سعاد
آخ .. يا جدمي التعب
ما يوم عن الدرب حاد
و آخ .. يا وكتي التغير
كله بس طعن و فساد
و آخ .. يا عمري الگضيته
گبال شرفتكم أبات
چنت خايف من النسمة
لا تطب يمچ تبات
خايف أتلاعب گذلتچ ..
تحب لعب شعر البنات
خاف تلمس طرف ثوبچ
بين نهدينچ تبات
چنت اضن العشگ صافي
أصفه من ماي الفرات
و چنت اضن الحب معاني
دونه ما تسوى الحياة
ما حسبت حساب طعنه
أبظهري و بوكت الصلاة
ما دريت ابگلبچ اسود
شتّت گليبي شتات
چنت اضنچ طير زاجل
شما يسافر تالي راد
ثاري تفگة موت انتي
ابگلبي رصيتي الزناد
بعتي حبي ابگحف تالف
بيّه اعلنتي المزاد

اخواني هاي القصيده
كتبها شخص لفتاة كان يحبها
وهي كانت توهمه بحبها وفي يوم رأها مع شخص
يعرف حق المعرفه
فكتب هذه القصيده عليها وبعثها للصحيفه اليوميه
لكي تنشر
وعندما نشرت
بعث لها رساله وقال لها اقرأي اليوم في الصحيفه الفلانيه
القصيده التي كتبتها عنكِ
وبعد ان قرأتها اتصلت بيه تترجا ان يعودا
ولكــن ... !!

[L•َِOَِ•Y•َِUَِ•S]

نونــــــــــــه

شكرا لك من القلب على بوحك الرائع
تحياتي الج عيناي

[مريومه العراقيه]

http://www.group-syria.com/up/images/c29o21q92yxc7zv7a.gif (http://www.group-syria.com/up/)
http://www.group-syria.com/up/images/cf2osw9q93xcwu7rjk4.jpg (http://www.group-syria.com/up/)
عاشت ايدج يامبدعه على الطرح المميز

[نونه البزونه]

شكراااااااااااا على مروركم الرائع