دمعة ألم
2011-04-28, 09:52 PM
مجموعه من الابوذيات للشاعر المرحوم عبد الحسين الحلفي
موتكتك يدك الكلب بس تك
صحيح انا بجنح مكسور بس تك
...بس انا طرت من يوم بستك
طحت والتمت الوادم علية
*******
افتك من هواك شلون شفتك
تتمشى وية غيري اليوم شفتك
وشفت شفتة قريبة تلوح شفتك
واخذ منك حلك وشصار بية
*********
اعكدت تكلين ما تكدر تفل تك
وايدي الكضتك لتظن تفلتك
من كد ما حلو حلوة تفلتك
واموت عليك من تتفل علية
***********
الحزن دامي بسبب زعلك ترادم
تعال وباوع عيوني ترادم
اعلى مودك ضلعي وي ضلعي ترادم
اعلى مودك كمت اهد انا علية
****************
علي مكتوب ورة زعلك ورة جفاك
وتكلي شخربط احوالك ورجفاك
تدري شصار انا بية ورة جفاك
صرت تاية وادورلك علية
*****************
حبك يا ترف سلني علاني
وخلة الي كبل حدري علاني
زعلت انتة وزعلت اني على اني
ولحد الان انا مبدل علية
**************
حت الحايط فراك حتاني
اتاني وما تجي لكن حتاني
مو بس انتة تتكلب حتى اني
كمت وياك اتكلب علية
***************
نطيتك روحي ارخص عطوة مني
واشمن زعل منك عطوة مني
عمامك خلة تاخذ عطوة مني
لئن حبك ذبحني وعمل بية
**************
مجرد شك اشكن ها شكش بيك
تكش بوجهي لكن ها شكش بيك
اشك حلكة اليغثك ها شكش بيك
واذا اغثك اشك حلكي بادية
**************
الجرح جرحك يا كلبي ما شفيتة
الحلو موزون مشية ماشي فيتة
شمالك من تعدة ما شفيتة
جا حاجيتة بلكي يصير الية
******************
ترف عندك سوالف ما ردتني
اذن منك خذتني ما ردتني
ردتك بالبداية ما ردتني
هسة تريدني شسوي بية
***********
انا الميتك واكدر لطشلك
انطيني شما الي وانا لطشلك
لئن حسيت اكو واحد لطشلك
واخاف تحبة وتبدل علية
***********
طير انا بمحبتك ما لبستك
على بوسة تفعتني مالبستك
نطيتك عين حقي ما لبستك
لئن كلش زغير انتة علية
****************
الطفل عاداني لجلك شبعداني
احترك كلشي على مودك شبعداني
مدامك انتة اني شبعداني
شلون يصير انا ابعد علية
************
انهدم اعلاك يا كلبي فتن صاك
الغيري انفتحت بوجهي فتن صاك
شسولف دخت دوخني فتن صاك
طحت على الكاع من باوع علية
*******************
يكر بية العشك شكدر شكر بي
وكتاب من الصبر عندي شكر بي
شورطني وبست خدك شكر بي
بستة ومرض سكر صار بية
*********************
روحي يبست بفركاك خشبت
وبين بتوت كلبي الحزن خشبت
الشماتة طبلت صفكت خشبت
وادية تصفك وياهم علية
**********************
الحزن داير مداير حايط اني
النطيتة الضحك احا حا يطاني
العلية انتجة يربح حايط اني
وخسر كلمن اجة ودك راسة بية
**************
الوكت بيكم طلابة طالباني
يشدك وانا احلك طالباني
وانا استاذ لتظن طالب اني
وسؤال انتة وطحت ما بين ادية
***************
هواك شلون تل كلبي شتل بي
شكثر شتلات من الهم شتل بي
صيف بكلبي بس كلبك شتل بي
اذن هيهات ينجمعن سوية
**************
روحي من الزغر حبك وعت بي
ويعت بية الكلب لجلك واعت بي
كتبتلك عود مرسالي وعتب بي
رجعت اقرا طلع يعتب علية
***************
هيمة انتة وغشيم الكلب طرك
تطرة وخوش ذكرا يكول طرك
لساني ردت اكلك فلك طرك
صيح فلك طرني وخان بية
****************
شتة فراك الاحبهم يمي داني
ولا فد يوم حظي يمي داني
حتى من اغم كصتي يم داني
احس بكصتي تتبعد علية
موتكتك يدك الكلب بس تك
صحيح انا بجنح مكسور بس تك
...بس انا طرت من يوم بستك
طحت والتمت الوادم علية
*******
افتك من هواك شلون شفتك
تتمشى وية غيري اليوم شفتك
وشفت شفتة قريبة تلوح شفتك
واخذ منك حلك وشصار بية
*********
اعكدت تكلين ما تكدر تفل تك
وايدي الكضتك لتظن تفلتك
من كد ما حلو حلوة تفلتك
واموت عليك من تتفل علية
***********
الحزن دامي بسبب زعلك ترادم
تعال وباوع عيوني ترادم
اعلى مودك ضلعي وي ضلعي ترادم
اعلى مودك كمت اهد انا علية
****************
علي مكتوب ورة زعلك ورة جفاك
وتكلي شخربط احوالك ورجفاك
تدري شصار انا بية ورة جفاك
صرت تاية وادورلك علية
*****************
حبك يا ترف سلني علاني
وخلة الي كبل حدري علاني
زعلت انتة وزعلت اني على اني
ولحد الان انا مبدل علية
**************
حت الحايط فراك حتاني
اتاني وما تجي لكن حتاني
مو بس انتة تتكلب حتى اني
كمت وياك اتكلب علية
***************
نطيتك روحي ارخص عطوة مني
واشمن زعل منك عطوة مني
عمامك خلة تاخذ عطوة مني
لئن حبك ذبحني وعمل بية
**************
مجرد شك اشكن ها شكش بيك
تكش بوجهي لكن ها شكش بيك
اشك حلكة اليغثك ها شكش بيك
واذا اغثك اشك حلكي بادية
**************
الجرح جرحك يا كلبي ما شفيتة
الحلو موزون مشية ماشي فيتة
شمالك من تعدة ما شفيتة
جا حاجيتة بلكي يصير الية
******************
ترف عندك سوالف ما ردتني
اذن منك خذتني ما ردتني
ردتك بالبداية ما ردتني
هسة تريدني شسوي بية
***********
انا الميتك واكدر لطشلك
انطيني شما الي وانا لطشلك
لئن حسيت اكو واحد لطشلك
واخاف تحبة وتبدل علية
***********
طير انا بمحبتك ما لبستك
على بوسة تفعتني مالبستك
نطيتك عين حقي ما لبستك
لئن كلش زغير انتة علية
****************
الطفل عاداني لجلك شبعداني
احترك كلشي على مودك شبعداني
مدامك انتة اني شبعداني
شلون يصير انا ابعد علية
************
انهدم اعلاك يا كلبي فتن صاك
الغيري انفتحت بوجهي فتن صاك
شسولف دخت دوخني فتن صاك
طحت على الكاع من باوع علية
*******************
يكر بية العشك شكدر شكر بي
وكتاب من الصبر عندي شكر بي
شورطني وبست خدك شكر بي
بستة ومرض سكر صار بية
*********************
روحي يبست بفركاك خشبت
وبين بتوت كلبي الحزن خشبت
الشماتة طبلت صفكت خشبت
وادية تصفك وياهم علية
**********************
الحزن داير مداير حايط اني
النطيتة الضحك احا حا يطاني
العلية انتجة يربح حايط اني
وخسر كلمن اجة ودك راسة بية
**************
الوكت بيكم طلابة طالباني
يشدك وانا احلك طالباني
وانا استاذ لتظن طالب اني
وسؤال انتة وطحت ما بين ادية
***************
هواك شلون تل كلبي شتل بي
شكثر شتلات من الهم شتل بي
صيف بكلبي بس كلبك شتل بي
اذن هيهات ينجمعن سوية
**************
روحي من الزغر حبك وعت بي
ويعت بية الكلب لجلك واعت بي
كتبتلك عود مرسالي وعتب بي
رجعت اقرا طلع يعتب علية
***************
هيمة انتة وغشيم الكلب طرك
تطرة وخوش ذكرا يكول طرك
لساني ردت اكلك فلك طرك
صيح فلك طرني وخان بية
****************
شتة فراك الاحبهم يمي داني
ولا فد يوم حظي يمي داني
حتى من اغم كصتي يم داني
احس بكصتي تتبعد علية